ముక్కలు, బొక్కలు ఉంటేనే కదా దసరా పండుగ : చికెన్ ఫ్రై, తలకాయ కూర, యాట కూర స్పైసీగా ఎలా వండాలో తెలుసుకోండి..!

దసరా వచ్చిందంటే.. ఇంటికో యాట తెగాల్సిందే అంటారు పెద్దలు. అవును మరి, ఊళ్లో పెద్దోళ్లు అయితే నాలుగు గంటలకే లేచి యాటను కోయించి, ఇంటికి కూర తెస్తారు. యాటమాంసం కూర ఒక్కటే కాదు.. తలకాయ, కాళ్లను కాల్చి కూర చేసి అనందంగా తింటారు. పండుగ రోజు యాటకూర, కోడికూరవండుకుని పండుగ చేసుకోండి.

 చికెన్​ ఫ్రై తయారీకి కావలసినవి

•  చికెన్-కిలో 
• ఉల్లిగడ్డ పేస్ట్ - ఒక టేబుల్ స్పూన్
• పచ్చిమిర్చి తరుగు -రెండుటీ స్పూన్లు
• అల్లం-వెల్లుల్లి పేస్ట్- రెండు టేబుల్ స్పూన్లు
•  పసుపు - అర టీ స్పూన్
•  కారం‌‌ రుచికి సరిపడా
•  గరం మసాలా - ఒకటీ స్పూన్ 
• పెరుగు - ఒక టేబుల్ స్పూన్ (కావాలంటే) 
• నూనె - సరిపడా
• ఉప్పు - తగినంత
•  కొత్తిమీర తరుగు - పావు కప్పు 

తయారీ విధానం: చికెన్ ముక్కల్లో ఉప్పు, పసుపు. కొద్దిగా నూనె, పెరుగు, అల్లం వెల్లుల్లి పేస్ట్ ఉల్లిగడ్డ పేస్ట్ పట్టించి ఇరవై నిమిషాలు పక్కన పెట్టాలి. వెడల్పాటి పాన్​ లో ఈ చికెన్ ముక్కలు వేసి నీరంతా ఆవిరై, చికెన్ సగం ఉడికేవరకు స్టవ్ మీద ఉంచి ... తర్వాత పాన్ దింపేయాలి. మరో గిన్నెలో నూనె వేసి చికెన్ ముక్కలు, కారం, పచ్చిమిర్చి తరుగు వేసి సన్నని మంటపై వేగించాలి. చికెన్ పూర్తిగా వేగడానికి ఇరవై నిమిషాల సమయం పడుతుంది. తరువాత గరం మసాలా కొత్తిమీర తరుగు చల్లితే చికెన్​ ఫ్రై రెడీ.. 

తలకాయ కూర తయారీకి కావాల్సినవి

•  తలకాయ మాంసం –పావు కేజీ
• ఉల్లిగడ్డ తరుగు - రెండు టేబుల్ స్పూన్లు
• ఉల్లిగడ్డ సిస్ట్ - ఒక టేబుల్ స్పూన్
• టొమాటో తరుగు-రెండు టేబుల్ స్పూన్లు ..లేదా..
•  చింతపండురసం -ఒక టేబుల్ స్పూన్
•  పచ్చిమిర్చి తరుగు - ఒక టేబుల్ స్పూన్
•  అల్లు -వెల్లుల్లి పేస్ట్ - ఒక టీ స్పూన్
• పసుపు - అర టీ స్పూన్
• కారం- రుచికి సరిపడా
• గరం మసాలా - ఒక టీ స్పూన్
• ఉప్పు -తగినంత 
• కొత్తిమీర తరుగు- పావు కప్పు

తయారీవిధానం:  తలకాయ మాంసంలో పసుపు. కారం, ఉప్పు కలిపి కుక్కర్​ లో  తగినన్ని నీళ్లు పోసి... పది నిమిషాలు ఉడికించి దింపేయాలి. మరో గిన్నెలో నూనె వేడి చేసి, ఉల్లిగడ్డ, పచ్చిమిర్చి తరుగు, పసుపు వేయాలి. అ వేగాక అల్లం-వెల్లులి పేస్ట్, ఉల్లిగడ్డ పేస్ట్, టొమాటో తరుగు లేదా చింతపండు రసం వేసి రెండు నిమిషాలు వేగించాలి. ఇప్పుడు ఉడికించిన మాంసం కుక్క ర్​ లో మిగిలిన నీళ్లతో పాటు) కలిపి చిక్కబడేవరకు ఉంచాలి. తర్వాత కొత్తిమీర తరుగు, గరం మసాలా వేసి దింపేయాలి.

యాటకూర తయారీకి కావలసినవి

• మటన్​  - ముప్పావు కేజీ
•  ఉల్లిగడ్డ తరుగు - పావు కప్పు 
• పెరుగు- నాలుగు టీ స్పూన్లు( కావాలంటే)
•  ధనియాల పొడి - రెండు టీ స్పూన్లు 
• కారం- రుచికి సరిపడా 
• పసుపు-చిటికెడు 
• ఉప్పు - తగినంత
•  అల్లం-వెల్లుల్లి పేస్ట్ రెండు టీ స్పూన్లు
•  లవంగాలు - నాలుగు 
• ఇలాచీలు-రెండు
• దాల్చినచెక్క -కొద్దిగా
•  గరం మసాలా - అర టీ స్పూన్
•  ఉల్లిగడ్డ తరుగు (వేగించి)-రెండు టీస్పూను
• కొత్తిమీర తరుగు - పావు కప్పు 
• నూనె - సరిపడా

తయారీ విధానం: స్టవ్​పై గిన్నెలో నూనె వేడి చేసి ఉల్లిగడ్డ తరుగు, పసుపు, అల్లం-వెల్లుల్లి పేస్ట్ వేయాలి. అవి వేగిన తరువాత మటన్, పెరుగు, ఉప్పు, నీళ్లు, ధనియాల పొడి కారంచేసి బాగా కలపాలి. కావాలంటే మసాలాలు (లవంగాలు, దాల్చిన చెక్క ఇలాచీలు) వేసి నన్నని మంటపై అరగంట ఉడికించాలి. తరువాత ఉల్లిగడ్డ తరుగు వేసి, మటన్ ముక్కలు మెత్తబడే వరకు ఉడికించాలి. కూర దగ్గరికయ్యాక ధనియాల పొడి, గరం మసాలా, కొత్త మీర తరుగు వేసి దింపేయాలి. కూర త్వరగా ఉడకాలంటే కుక్కర్లో వండొచ్చు..

 కోడికూర తయారీకి కావాల్సినవి

•  చికెన్-కిలో 
• ఉల్లిగడ్డ తరుగు -పావు కప్పు
•  టొమాటో తరుగు - పావు కప్పు 
• పచ్చిమిర్చి తరుగు - రెండు టీస్పూన్లు
• కొత్తిమీర తరుగు- పావు కప్పు
•  కారం - రుచికి సరిపడా
•  ఉప్పు - తగినంత
• పసుపు-చిటికెడు
• వెల్లుల్లి పేస్ట్ -రెండు టేబుల్ స్పూన్లు
• గరం మసాలా- ఒక టీ స్పూన్ 
• ధనియాల పొడి - ఒక టేబుల్ స్పూన్
• నూనె-సరిపడ

 తయారీ విధానం: స్టవ్​ పై  పాన్​ పెట్టి నూనె వేడిచేయాలి. అందులో ఉల్లిగడ్డ తరుగు, అల్లం-వెల్లుల్లి పేస్ట్ పసుపు వేయాలి. తర్వాత చికెన్ ముక్కలు వేయాలి. ఐదు నిమిషాల తర్వాత టొమాటో తరుగు, ఉప్పు, కారం వేసి కలపాలి. ముక్కలు కొంచెం వేగాక కొన్ని నీళ్లు పోసి మూత పెట్టాలి. కూడ దగ్గరికయ్యాక గరం మసాలా, ధనియాల పొడి వేయాలి. చివరగా కొత్తిమీద తరుగు చల్లి దింపేయాలి

కాళ్ల షోర్వా  తయారీకి కావలసినవి