'లవ్ టుడే' సినిమాతో తెలుగు ప్రేక్షకులకు కూడా చేరువైన తమిళ యువ హీరో ప్రదీప్ రంగనాథన్, తన లేటెస్ట్ చిత్రం 'డ్యూడ్' తో మరోసారి బాక్సాఫీస్ వద్ద సంచలనం సృష్టిస్తున్నాడు. అక్టోబర్ 17న దీపావళి కానుకగా విడుదలైన ఈ యూత్‌ఫుల్ ఎంటర్‌టైనర్, కేవలం నాలుగు రోజుల్లోనే ప్రపంచవ్యాప్తంగా ఏకంగా రూ.83 కోట్ల గ్రాస్ వసూళ్లు సాధించి రికార్డులు తిరగరాస్తోంది. ఈ కలెక్షన్లు, సినిమాకు ప్రేక్షకుల నుండి లభిస్తున్న భారీ ప్రేమకు నిదర్శనమని మేకర్స్ అధికారికంగా ప్రకటించారు..
బ్లాక్‌బస్టర్ విజయ రహస్యం!
కీర్తిశ్వరం అనే కొత్త దర్శకుడు తెరకెక్కించిన ఈ చిత్రాన్ని మైత్రీ మూవీ మేకర్స్ అత్యంత ప్రతిష్టాత్మకంగా నిర్మించారు. కేవలం రూ. 27 కోట్ల బడ్జెట్‌తో రూపొందించబడిన 'డ్యూడ్', ఇప్పటికే బ్రేక్ ఈవెన్ పూర్తి చేసుకుని నిర్మాతలకి భారీ లాభాల పంట పండిస్తోంది. ఈ విజయం మైత్రీ మూవీ మేకర్స్‌కి మరో బ్లాక్ బస్టర్ ప్రాజెక్ట్‌గా నిలిచిపోయే అవకాశం ఉంది. తమిళంలో రూపొందించి, తెలుగులో డబ్ చేసి విడుదల చేసినప్పటికీ, 'డ్యూడ్' మిశ్రమ టాక్ తో మొదలై.. స్ట్రాంగ్ కలెక్షన్స్ తో దూసుకెళ్తోంది. ముఖ్యంగా తెలుగు రాష్ట్రాల నుండి కూడా మంచి వసూళ్లు వస్తున్నాయని యూనిట్ చెబుతోంది.
A BLOCKBUSTER DIWALI for DUDE 💥💥#DUDE collects 83 CRORES GROSS WORLDWIDE in 4 days ❤🔥
— Mythri Movie Makers (@MythriOfficial) October 21, 2025
Book your tickets now and celebrate #DudeDiwali 🔥
🎟️ https://t.co/JVDrRd4PZQ
🎟️ https://t.co/4rgutQNl2n
⭐ing 'The Sensational' @pradeeponelife
🎬 Written and directed by… pic.twitter.com/jkAIDDiv48
ప్రదీప్ అదరగొట్టాడు...
ఈ సినిమా విజయంలో ప్రధాన ఆకర్షణగా నిలిచింది హీరో ప్రదీప్ రంగనాథన్ నటన. తనదైన కామెడీ టైమింగ్, స్టైలిష్ ఎలిమెంట్స్‌తో పాటు, బలమైన ఎమోషన్స్‌ను పలికించడంలో ప్రదీప్ నైపుణ్యం ప్రేక్షకులను కట్టిపడేసింది. ముఖ్యంగా అతని పాత్రలో చూపించిన వేరియేషన్స్ ఆడియన్స్‌కి బాగా నచ్చాయి. మమితా బైజు (ప్రేమమ్ ఫేమ్) తో ప్రదీప్ కెమిస్ట్రీ కూడా ప్రేక్షకులను ఆకట్టుకుంటోంది.
కేవలం వినోదాన్నే కాకుండా, కులాంతర వివాహాలు, పరువు హత్యల వంటి సున్నితమైన అంశాలను ప్రస్తావించి, యువతను ఆలోచింపజేసే బలమైన సందేశాన్ని కూడా ఈ చిత్రం ఇచ్చింది. అందుకే 'డ్యూడ్' కేవలం ఒక పండుగ సినిమా కాకుండా, నేటి తరం ప్రేక్షకులకు కనెక్ట్ అయ్యే అసలైన ఎంటర్‌టైనర్ గా నిలిచింది. ఈ జోరు చూస్తుంటే, 'డ్యూడ్' కలెక్షన్ల సునామీ ఇప్పుడప్పుడే ఆగేలా కనిపించడం లేదు!
