జనగామ అర్బన్, వెలుగు : వచ్చే నెల 26, 27, 28 తేదీల్లో నిర్వహించాలనుకున్న జనగామ విజయ దుర్గామాతా ఉత్సవాన్ని ఆక్టోబర్ కు వాయిదా వేసినట్లు ఆలయ ప్రధాన పూజారి రాజలింగ ఆరాధ్య తెలిపారు. ఆదివారం బతకమ్మ కుంట దుర్గామాత ఆలయ ప్రాంగణంలో మీటింగ్ నిర్వహించారు. ఈ సందర్భంగా సిద్దాంతి క్రిష్ణమాచార్యులు మాట్లాడుతూ.. ఆలయ ప్రాంగణంలో కొన్ని సంవత్సరాల కిందట నిర్మించిన శివాలయం దుర్గామాత ఆలయ సాంప్రదాయానికి ఇబ్బందిగా ఉందని, దాన్ని ప్రస్తుతం ఉన్న స్థలం నుంచి ఎల్లమ్మ దేవాలయం పక్కనే నిర్మించాలని తెలిపారు.
విగ్రహ పునర్ప్రతిష్టకు సమయం పడుతుందని, అందుకే ఉత్సవాలు వాయిదా వేస్తున్నట్లు తెలిపారు. ఈ కార్యక్రమంలో ఆలయ అధ్యక్షుడు పిట్టల సత్యం, మున్సిపల్ చైర్ పర్సన్ పోకల జమున, ప్రధాన కార్యదర్శి వాంకుడోత్ అనిత, పోకల లింగయ్య, కౌన్సిలర్లు గాదెపాక రాంచందర్, పేర్ని స్వరూప పాల్గొన్నారు.
