ఆధ్యాత్మికత, మానవ సంబంధాల కలయికలో రూపొందుతోన్న చిత్రం ‘ఏదైనా సాధ్యమే’. దైవం తోడుంటే అనేది ట్యాగ్లైన్. అనిల్ మునగనూరి కథ, మాటలు, సాహిత్యం అందిస్తూ నిర్మిస్తుండగా, మద్దూరి రాజా దర్శకత్వం వహిస్తున్నాడు. గురువారం టైటిల్ లాంచ్ ఈవెంట్ను నిర్వహించారు. ఈ సందర్భంగా నిర్మాత అనిల్ మాట్లాడుతూ ‘దేశానికి యువత ఎంతో ముఖ్యం. కానీ చాలామంది నిరాశలో, డిప్రెషన్లోకి వెళ్లిపోతున్నారు.
ఒక వ్యక్తికి జీవితంలో భగవంతుడి బంధం ఉన్నట్లయితే ఎలాంటి అద్భుతాలు జరుగుతాయో, అసాధ్యాలు సుసాధ్యాలుగా ఎలా మారుతాయో ఈ చిత్రం ద్వారా చూపించబోతున్నాం. ఆధ్యాత్మిక బోధనల ఆధారంగా ఈ చిత్రం తెరకెక్కుతోంది’ అని అన్నారు.
శ్రీ అమ్మ భగవాన్ చెప్పిన ఐదు సూత్రాల చుట్టూ కథ తిరుగుతుందని దర్శకుడు మద్దూరి రాజా చెప్పాడు. ఎగ్జిక్యూటివ్ ప్రొడ్యూసర్ ఎన్. సుబ్రహ్మణ్యం సహా టీమ్ అంతా పాల్గొన్నారు.
