కారేపల్లి, వెలుగు: బీసీ కులవృత్తుల దారులకు ప్రభుత్వం అందించే రూ.లక్ష స్కీం రాకుండా చేస్తున్న ఆఫీసర్లపై చర్యలు తీసుకోవాలని డిమాండ్ చేస్తూ మేదరులు ఎంపీడీవో ఆఫీస్ఎదుట సోమవారం నిరసన తెలిపారు. బుట్టలు, చేటలు అల్లుతూ ఆందోళనకు దిగారు. ఆన్లైన్ చేసిన మేదరుల ఇళ్ల వద్దకు వెళ్లి విచారించిన ఆఫీసర్లు దరకాస్తులను రిజెక్టు చేస్తున్నామని చెప్పడంతో ఈ నిరసన చేపట్టామన్నారు.
Also Read :-ప్లాంటేషన్ లో మొక్కలు నరికినవారిపై కేసు
మేదరి సంఘం జిల్లా అధ్యక్షుడు వాసం నాగేశ్వరరావు, ప్రధాన కార్యదర్శి చందా మాట్లాడుతూ కుల వృత్తులపైనే ఆధారపడి జీవించే తమకు రూ.లక్ష స్కీం రాకుండా చేయడం దారుణమన్నారు. తమకు న్యాయం చేయకపోతే కలెక్టరేట్ను ముట్టడిస్తామని హెచ్చరించారు. ప్రోగ్రాంలో సంఘం నాయకులు ఎ. శ్రీనివాస్, పిల్లి. వెంకటేశ్వర్లు, పోతు నర్సింహరావు, కొనం వెంకటేశ్వర్లు, ఎనమనగండ్ల రవి, కనికరపు ప్రసాద్, పోతు రమాదేవి పాల్గొన్నారు.
