- నిరూపించకపోతే రాజీనామా చేస్తా: ఏలేటి మహేశ్వర్ రెడ్డి
- ఉత్తమ్ చర్చకు రాలేదంటే.. పాలసీలో పారదర్శకత లేదని ఒప్పుకున్న ట్టేనని వెల్లడి
హైదరాబాద్, వెలుగు: ‘‘హైదరాబాద్ ఇండస్ట్రియల్ ల్యాండ్ ట్రాన్స్‌‌‌‌‌‌‌‌ఫర్మేషన్ (హిల్ట్) పాలసీ పేరుతో రేవంత్ సర్కార్.. ఏకంగా రూ.6 లక్షల 29 వేల కోట్ల ల్యాండ్ లూటీకి స్కెచ్ వేసింది. ఇది ముమ్మాటికీ ఇన్‌‌‌‌‌‌‌‌సైడర్ ట్రేడింగ్.. క్విడ్ ప్రో కో స్కామ్. దమ్ముంటే అసెంబ్లీని సమావేశపరచాలి. ఈ పాలసీ ల్యాండ్ లూటీ స్కామ్ అని నేను నిరూపిస్తా. లేదంటే నా ఎమ్మెల్యే పదవికి రాజీనామా చేస్తా. ఒకవేళ నేను నిరూపిస్తే సీఎం, మంత్రులు రాజీనామా చేస్తారా?’’ అని బీజేఎల్పీ నేత ఏలేటి మహేశ్వర్ రెడ్డి సవాల్ విసిరారు.
శనివారం అసెంబ్లీ మీడియా పాయింట్ వద్ద ఆయన మాట్లాడారు. అంతకుముందు హిల్ట్ పాలసీపై తాను విసిరిన సవాల్‌‌‌‌‌‌‌‌ను స్వీకరించి మంత్రి ఉత్తమ్ కుమార్ రెడ్డి చర్చకు రావాలని మహేశ్వర్రెడ్డి డిమాండ్చేశారు. ఉదయం 11గంటల నుంచి వెయిట్చేసి ఒంటిగంటకు మీడియాతో మాట్లాడారు. ఉత్తమ్ కుమార్ రెడ్డి చర్చకు రాలేదంటేనే పాలసీలో పారదర్శకత లేదని ఒప్పుకున్నట్టే కదా అని అన్నారు. ‘‘కోకాపేటలో నిన్న జరిగిన వేలంలో ఎకరం భూమి రూ.151 కోట్లు పలికింది. కానీ, హిల్ట్ పాలసీలో భాగంగా 22 పారిశ్రామిక వాడల్లోని 9,292 ఎకరాల భూములను ప్రభుత్వం ఎకరం కేవలం రూ.54 లక్షలకే కన్వర్షన్ చేస్తోంది.
మార్కెట్ విలువ ప్రకారం ఎకరం రూ.68 కోట్లు ఉంటుంది. అంటే.. రూ.6 లక్షల 29 వేల కోట్ల విలువైన భూములను కేవలం రూ.5 వేల కోట్లకే కట్టబెడుతున్నారు. ఇది కుంభకోణం కాక మరేమిటి?’’ అని ఏలేటి నిలదీశారు. గతంలో బీఆర్ఎస్ ప్రభుత్వం ‘గ్రిడ్’ పాలసీ తెచ్చి రూ.50 కోట్ల విలువైన భూములను రూ.10 కోట్లకే ఇచ్చిందని, అది స్కామ్ అని ఇప్పుడు మంత్రులుగా ఉన్న శ్రీధర్ బాబు అప్పుడు ఆరోపించారని ఏలేటి గుర్తుచేశారు.
అప్పుడు బీఆర్ఎస్ చేసింది స్కామ్ అయితే.. ఇప్పుడు మీరు చేస్తున్నది మహా స్కామ్ అన్నారు. సీఎం ఆఫర్ చేసిన వేల కోట్ల మూటలకు ఆశపడి ఆ నలుగురు మంత్రులు దుష్టచతుష్టయంగా మారారని చెప్పారు. 50 ఏండ్లుగా రసాయనాలతో నిండిన భూముల్లో అపార్ట్‌‌‌‌‌‌‌‌మెంట్లు కడితే ప్రజల ఆరోగ్యం ఏమవుతుందని ఏలేటి ప్రశ్నించారు. ఎలాంటి ఎన్విరాన్‌‌‌‌‌‌‌‌మెంటల్ స్టడీ లేకుండా, ప్రజారోగ్యంతో చెలగాటమాడుతూ రియల్ దందా చేయడం దుర్మార్గమన్నారు. తక్షణమే జీవో-27ను రద్దు చేయాలని డిమాండ్ చేశారు.
