ఎలన్ మస్క్ తీసుకుంటున్న నిర్ణయాల వల్ల ట్విట్టర్ ఉద్యోగుల్లో తీవ్ర అసంతృప్తి, ఆగ్రహం వ్యక్తమవుతోంది. మస్క్ నిర్ణయాలకు విసిగిపోతూ, వాటిని వ్యతిరేకిస్తుంటారు. సోషల్ మీడియా ద్వారా మస్క్ చేసే పనుల్ని బయటి ప్రపంచానికి చెప్తుంటారు. ఈ క్రమంలో ఆసక్తికర విషయం బయటికి వచ్చింది. మస్క్ ట్విట్టర్ ఆఫీస్ లోకి రావాలన్నా, బాత్ రూమ్ కి వెళ్లాలన్నా వెంట బాడీ గార్డ్స్ ను ఉంచుకుంటున్నాడట. ఈ విషయాన్ని ట్విట్టర్ ఉద్యోగి సోషల్ మీడియా ద్వారా పంచుకున్నాడు.
‘మస్క్ ట్విట్టర్ ఆఫీస్ కు వస్తే బాడీగార్డులు ఆయన చుట్టే ఉంటారు. మస్క్ ఉన్నంతసేపు కట్టుదిట్టమైన సెక్యూరిటీ ఉంటుంది. బాత్ రూమ్ కి వెళ్లేటప్పుడు ఇద్దరు బాడీగార్డులు ఆయన వెంట వెళ్తార’ని ఆ సంస్థలో పనిచేస్తున్న ఇంజినీర్ తెలిపాడు. ‘మస్క్ కు ఉద్యోగులపై విశ్వాసం తక్కువ. ఎప్పుడూ భయపడుతుంటాడు. అందుకే సెక్యూరిటీని పెట్టుకొని తిరుగుతుంటాడ’ని వ్యాఖ్యానించాడు.
