హైదరాబాద్, వెలుగు: ఈ నెల14 నుంచి జరగాల్సిన జేఎన్టీయూ పరిధిలోని ఇంజనీరింగ్, ఫార్మసీ ఫైనల్ సెమిస్టర్ పరీక్షలు వాయిదా పడ్డాయి. కరోనా నేపథ్యంలో వర్సిటీ అధికారులు ఈ నిర్ణయం తీసుకున్నారు. ప్రస్తుతం ప్రాజెక్టు వర్క్స్, వైవా పూర్తిచేసేలా చర్యలు మొదలుపెట్టారు. ఆ తర్వాత పరిస్థితులు చక్కబడితే వాయిదా పడిన ఎగ్జామ్స్ జులై 1 నుంచి జరపాలని జేఎన్టీయూ అధికారులు నిర్ణయించారు. వర్సిటీ పరిధిలో బీటెక్, బీఫార్మసీ ఫైనలియర్ స్టూడెంట్లు దాదాపు 40 వేల మంది వరకు ఉంటారు. ఒక్కో కోర్సులో ఫైనల్ సెమిస్టర్లో మూడు, నాలుగు పరీక్షలే ఉంటాయి. దీంతో జులై ఫస్ట్ వీక్లో పరీక్షలు పూర్తి చేసి, 20 లోపు ఫైనలియర్ రిజల్ట్ ఇవ్వాలని అధికారులు యోచిస్తున్నారు.
