నిజామాబాద్, వెలుగు : నగరంలోని ఎల్లమ్మగుట్టకు చెందిన ఓ ప్రైవేటు హాస్పిటల్ నిర్వాహకులు ఆరోగ్య శ్రీ స్కీమ్ కింద పేషెంట్కు గుండె ఆపరేషన్ చేసి రూ.80 వేల బిల్లు వసూలు చేసిన ఘటనపై విచారణ మొదలైంది. డిప్యూటీ డీఎంహెచ్వో డాక్టర్అంజన, ఆరోగ్య శ్రీ జిల్లా కోఆర్డినేటర్ స్వప్న, జీజీహెచ్లోని ఆయా విభాగాల హెచ్వోడీలు సునీత, రవి నాగప్రసాద్, శ్రీనివాస్తో కూడిన కమిటీని విచారణకు కలెక్టర్ రాజీవ్గాంధీ హనుమంతు గురువారం అపాయింట్చేశారు.
వారంలో రిపోర్టు ఇవ్వాలని ఆదేశించారు. నవీపేట మండలానికి చెందిన పిట్ట నారాయణ (36) గుండె నొప్పితో ఈనెల 8న హాస్పిటల్లో చేరాడు. ఆరోగ్యశ్రీ కింద ఆపరేషన్ చేసేందుకు 10న అప్రోవల్తీసుకొని16న ఆపరేషన్ చేశారు. 17 తేదిన పేషెంట్మరణించడంతో తమ నుంచి రూ.80 వేల బిల్లు తీసుకున్నారని అతని కుటుంబీకులు కలెక్టర్కు ఫిర్యాదు చేశారు.
