తమిళనాడు తిరుచిరాపల్లి జిల్లాలోని జంబుకేశ్వర్‌ ఆలయంలో పురాతన కాలం నాటి బంగారు కాయిన్స్ లభ్యమయ్యాయి. అఖిలాండేశ్వరి సన్నిధి చుట్టూ గార్డెన్‌ను ఏర్పాటు చేసేందుకు నిన్న(బుధవారం) తవ్వకాలు జరిపించారు ఆలయాధికారులు. కూలీలు తవ్వకాలు జరుపుతుండగా.. వారికి ఇనుముతో చేసిన కుండ కనిపించింది. ఆ కుండను వెలికి తీసి చూడగా.. అందులో 505 బంగారు నాణేలు బయటపడ్డాయి. ఆలయ అధికారులు ఈ విషయాన్ని శ్రీరంగం తహసిల్డార్‌ ఆర్‌. శ్రీధర్‌కు తెలిపారు. తహసిల్దార్‌ కాయిన్స్ ను స్వాధీనం చేసుకున్నారు. ఆ గోల్డ్ కాయిన్స్ బరువు 1.716 కేజీలు ఉన్నట్లు తెలిపారు. బంగారు నాణేలను ఆర్కియాలజీ అధికారులకు అప్పగించనున్నట్లు తెలిపారు.
