కొన్ని బిల్డింగ్స్, బ్రిడ్జి, స్టేడియంలు చూస్తే భలే కట్టారే అనిపిస్తుంది. అలాంటి వాటిని కళ్లలో దాచుకుని వదిలేస్తే ఎలా? కెమెరా క్లిక్తో అందమైన జ్ఞాపకంగా దాచాలి. అందుకే ఆర్కిటెక్చరల్ ఫొటోగ్రఫీ అవార్డ్స్ 2022 పేరిట ఒక కాంపిటీషన్ పెట్టారు. ఈ పోటీలో ఏ దేశస్తులైనా పాల్గొనవచ్చు. ఎక్స్టీరియర్, ఇంటీరియర్, సెన్స్ ఆఫ్ ప్లేస్, బిల్డింగ్స్ ఇన్ యూజ్, పోర్ట్ ఫోలియో (ట్రాన్స్పోర్ట్ హబ్స్), మొబైల్ – బ్రిడ్జెస్ అని ఆరు కేటగిరీలు ఉంటాయి.
ఒక్కో కేటగిరీలో ఇద్దరు విన్నర్స్ను ఎంపిక చేస్తారు. ఈ ఏడాది డిసెంబర్ 2వ తేదీన విన్నర్స్ను అనౌన్స్ చేస్తారు. ‘‘ఈ మధ్య ప్రతీ ఒక్కరూ ఫొటోగ్రాఫర్ అయ్యారు. దాంతో చాలా మంచి ఆర్కిటెక్చరల్ ఫొటోగ్రాఫ్స్ వస్తున్నాయి. ఈ కాంపిటీషన్ ద్వారా ఏడాదికి ఒకసారి ఆర్కిటెక్చర్ డిజైన్లో వస్తున్న మార్పుల గురించి లోతుగా అర్థం చేసుకునే వీలు కలుగుతుంద”ని ఈ ప్రోగ్రామ్ డైరెక్టర్ పౌల్ ఫించ్ అన్నాడు. ఈ అవార్డ్స్ కోసం షార్ట్ లిస్ట్ అయిన ఫొటోల నుంచి కొన్ని..