సహజమైన రాతి తోరణం డార్విన్ ఆర్చ్. ఇది స్కూబా డైవర్లు, ఫోటోగ్రాఫర్లు, క్రూయిజ్-షిప్ పర్యాటకులకు ఎంతో ఫేవరెట్ స్పాట్. దక్షిణ పసిఫిక్ సముద్రంలోని గాలాపోగోస్ ద్వీపకల్పంలోని డార్విన్ ఆర్చ్ ఇవాళ(శుక్రవారం) 11.20 గంటల సమయంలో ఒక్కసారిగా కుప్పకూలిపోయింది. ఈ విషయాన్ని ఈక్వెడార్ పర్యాటక శాఖ అధికారులు ప్రకటించారు. మొన్నటివరకూ రెండు స్తంభాలతో పైన తోరణం ఆర్చ్ లా అలరించిన ఈ కట్టడం ఇప్పుడు వెలవెలబోయినట్టుగా కనిపిస్తోంది. అయితే రెండు వైపులా స్తంభాలుగా కనిపించే భాగం మాత్రం అలాగే ఉంది. తూర్పు ద్వీపానికి 600 మైళ్ల దూరంలో ఉన్న ఈ ఆర్చ్ కుప్పకూలిపోవడానికి సముద్రపు సహజ కోత కారణమంటున్నారు నిపుణులు.
ఇది ఒకప్పుడు డార్విన్ ద్వీపంలో భాగమని మంత్రిత్వ శాఖ తెలిపింది. ఈ ప్రాకృతిక నిర్మాణానికి ప్రముఖ జీవశాస్త్రవేత్త చార్లెస్ డార్విన్ పేరు పెట్టారు. యునెస్కో గుర్తించిన ప్రపంచ వారసత్వ సంపద జాబితాలో ఈ డార్విన్ ఆర్చ్ కి స్థానం కల్పించారు.డార్విన్ ద్వీపం నుండి ఇది కిలోమీటర్ కన్నా తక్కువ దూరంలో.. సముద్రం మధ్యలో ఉంటుంది.
Informamos que hoy 17 de mayo, se reportó el colapso del Arco de Darwin, el atractivo puente natural ubicado a menos de un kilómetro de la isla principal Darwin, la más norte del archipiélago de #Galápagos. Este suceso sería consecuencia de la erosión natural.
— Ministerio del Ambiente y Agua de Ecuador (@Ambiente_Ec) May 17, 2021
?Héctor Barrera pic.twitter.com/lBZJWNbgHg