అమెరికాలో మిడ్ టర్మ్ ఎన్నికల పోలింగ్ ప్రక్రియ ప్రారంభమైంది. నవంబర్ 3, 2026 న అమెరికా వ్యాప్తంగా మధ్యంతర ఎన్నికల పోలింగ్ ప్రారంభమైంది. న్యూయార్క్‌, న్యూజెర్సీ, వర్జీనియా, మైన్‌, కెంటకీ, వెర్మాంట్‌, న్యూహ్యాంప్‌షైర్‌, ఇండియానా, కనెక్టికట్‌ రాష్ట్రాల్లో ప్రజలు ఓటు హక్కు వినియోగించుకుంటున్నారు. పోలింగ్ సమయం ముగిసిన వెంటనే అంటే రేపు (బుధవారం నవంబర్ 4 ) ఉదయం ఓట్ల లెక్కింపు చేపట్టనున్నారు.
ప్రతినిధుల సభ (House of Representatives) లో మొత్తం 435 స్థానాలకు ఎన్నికలు జరుగుతున్నాయి. సెనెట్ (Senate) లో మొత్తం 100 స్థానాల్లో 35 స్థానాలకు ఎన్నికలు జరుగుతున్నాయి. హౌజ్ ఆఫ్ రిప్రజెంటేటిల్ లో ప్రస్తుతం రిపబ్లికన్లకు 218, డెమోక్రట్లకు 214 స్థానాలు ఉన్నాయి. సెనెట్ లో రిపబ్లికన్లు 22 స్థానాలను, డెమోక్రట్లు 13 స్థానాలు ఉన్నాయి. వీటితోపాటు పలు రాష్ట్రాల్లో గవర్నర్ పదవులకు, రాష్ట్ర శాసనసభ స్థానాలకు కూడా పోలింగ్ నిర్వహిస్తున్నారు.
పెరుగుతున్న ద్రవ్యోల్బణం, ఇరాన్ యుద్ధ పరిణామాలు, ఇమ్మిగ్రేషన్ వంటి అంశాలు ఈ ఎన్నికల్లో ప్రధాన ప్రభావం చూపుతున్నాయి. ఈ ఎన్నికలు అమెరికా అధ్యక్షుడు డొనాల్డ్ ట్రంప్ కు అగ్ని పరీక్షే అని చెప్పొచ్చు. ట్రంప్ భవిష్యత్తు నిర్ణయాలు, విధానాలతో కాంగ్రెస్‌పై ఏ పార్టీకి పట్టు చిక్కుతుందనేదానికి ఆసక్తికరంగా మారింది.
