హైదరాబాద్, వెలుగు : ఫ్యాన్సీ నంబర్లతో రాష్ట్ర రవాణా శాఖకు కాసుల పంట పండింది. సోమవారం ఒక్కరోజే ఖైరతాబాద్ ఆర్టీఏ సెంట్రల్ జోన్కార్యాలయానికి ఫ్యాన్సీ నంబర్లతో రూ.45.98 లక్షల ఇన్ కం వచ్చింది. వేలంలో పలువురు వాహన యజమానులు పోటీపడి మరీ ఫ్యాన్సీ నంబర్లను కైవసం చేసుకున్నారు. వివరాల్లోకి వెళితే.. కీన్టోన్ ఇన్ఫ్రా ప్రైవేట్ లిమిటెడ్ సంస్థ అధినేత అత్యధికంగా రూ. 17.35 లక్షలు చెల్లించి టీఎస్ 09 జీఈ9999 నెంబర్ను దక్కించుకున్నారు.
అలాగే.. టీఎస్09జీఎఫ్ 0005 నెంబర్ ద్వారా రవాణా శాఖకు 3.75 లక్షలు సమకూరాయి. టీఎస్09 జీఎఫ్0001 నెంబర్ ద్వారా3.50 లక్షలు, టీఎస్09 జీఎఫ్0099 నెంబర్ద్వారా రూ. 2.31 లక్షల ఆదాయం వచ్చింది. టీఎస్09 జీఎఫ్0111 నెంబర్ ద్వారా2.09 లక్షలు, టీఎస్09 జీఈ 0027 నెంబర్ ద్వారా 1.36 లక్షలు, టీఎస్09 జీఎఫ్0007 నెంబర్ ద్వారా 1.01 లక్షల ఇన్ కం వచ్చిందని అధికారులుపేర్కొన్నారు.
