కొనుగోలు కేంద్రం పెట్టి 40రోజులైనా కొంటలేరు

కరీంనగర్ జిల్లాలో రైతుల ఆందోళన

కరీంనగర్ జిల్లా రామడుగు మండలం దత్తోజిపేట గ్రామంలో రైతులు ఆందోళనకు దిగారు. వడ్ల కోనుగోలులో జాప్యం, తూకంలో కోతలను వ్యతిరేకిస్తూ ధర్నా చేపట్టారు. పీఏసీఎస్ ద్వారా గ్రామంలో కొనుగోలు కేంద్రం ఏర్పాటు చేసి 40 రోజులైనా కొనుగోలు జరగడం లేదని ఆవేదన వ్యక్తం చేశారు. ధాన్యం రవాణా చేయాల్సిన లారీలు లేకపోవడం, గన్ని బ్యాగుల కొరతతో వడ్ల కొనుగోలు ఆలస్యమవుతోందంటున్నారు రైతులు. 40 కేజీలకు బదులుగా 42 కిలోలు తూకం వేయడంతో పాటు.. ధాన్యాన్ని మిల్లుకు తీసుకెళ్లాక కటింగ్ పెట్టినా ఒప్పుకుంటామని సంతకాలు తీసుకుంటున్నారని రైతులు ఆవేదన వ్యక్తం చేశారు.