- హాస్పిటల్ ముందు రైతుల నిరసన
కుభీర్, వెలుగు: నిర్మల్ జిల్లా కుభీర్ మండలంలోని పల్సి గ్రామంలోని పశువైద్యశాలలో వెటర్నరీ డాక్టర్ అందుబాటులో ఉండడం లేదని గ్రామానికి చెందిన కొందరు రైతులు ఆగ్రహం వ్యక్తం చేశారు. మంగళవారం హాస్పిటల్ ముందు నిరసన తెలిపారు. పశువులకు రోగాలు వచ్చి హాస్పిటల్కు తీసుకెళ్తే డాక్టర్ అందుబాటులో ఉండడం లేదని వాపోయారు.
వారానికి ఒకటి రెండు రోజులు మాత్రమే విధులకు హాజరవుతున్నారని ఆరోపించారు. డాక్టర్ అందుబాటులో లేకపోవడంతో ప్రైవేట్ వ్యక్తులను ఆశ్రయించాల్సి వస్తోందన్నారు. జిల్లా ఉన్నతాధికారులు సంబంధిత డాక్టర్ పై చర్యలు తీసుకోవాలని డిమాండ్ చేశారు.
