సికింద్రాబాద్ నుంచి ఢిల్లీ వెళుతున్న దక్షిణ్ ఎక్స్ ప్రెస్ రైలులో మంటలు చెలరేగడంతో ప్రయాణీకులు భయాందోళనలకు గురయ్యారు. రైలు చివరి బోగీలో మంటలు వ్యాపించాయి. దీనిని గుర్తించిన సిబ్బంది రైలును ఆపివేశారు. భువనగిరి దగ్గరిలోని పగిడిపల్లి మధ్య శనివారం అర్ధరాత్రి ఈ ఘటన చోటు చేసుకుంది. మంటలను గమనించిన సిబ్బంది రైలు డ్రైవర్ ను అలర్ట్ చేశారు. దీంతో రైలును ఆపివేశారు. గాఢ నిద్రలో ఉన్న ప్రయాణీకులు ఈ విషయం తెలుసుకుని భయాందోళనలకు గురయ్యారు.
రైలు దిగి పరుగులు తీశారు. మంటల చెలరేగింది లగేజీ బోగీ అని రైల్వే అధికారులు వెల్లడించారు. అయితే...ఈ ప్రమాదంలో ఎవరైనా గాయపడ్డారా ? అనేది తెలియరాలేదు. సమాచారం తెలుసుకున్న సికింద్రాబాద్ రైల్వే సిబ్బంది ఘటనా స్థలానికి చేరుకుని సహాయక చర్యలు చేపట్టారు. ఈ ఘటనలో ఎవరైనా గాయపడ్డారా ? అనేది తెలియరావడం లేదు. సమీప ప్రాంతాల నుంచి అగ్నిమాపక బృందాలు మంటలను ఆర్పే ప్రయత్నం చేశాయి.
