నగరాలు, పట్టణాల్లో బడా నుంచి చోటా కంపెనీల వరకు తమ బ్రాండ్ ప్రొడక్ట్లను పబ్లిసిటీ చేసుకోవాలని యూజ్ చేయని ట్రిక్స్ ఉండవు. గోడలపై పంప్లెట్ల నుంచి ఆకాశంలో అంతలా కనిపించే హోర్డింగ్ల వరకు ఏది కనిపిస్తే అది తమ ప్రచారానికి వాడుకుంటారు. డబ్బులిచ్చి ప్రకటనలు ఇచ్చినా.. అందరిలో ప్రత్యేకంగా నిలిచిన వాడే గేమ్ చేంజర్గా మారతాడు.
ఈ సత్యాన్ని వంటబట్టించుకున్నట్లుంది ఫ్లిప్కార్ట్. దాని బిజినెస్ ఐడియా చూసిన పబ్లిక్ వారేవ్వా.. అంటున్నారు. తోటి పోటీదారులు సైతం దాని ఐడియాకు మెచ్చుకోక మానరు. ఇంతకు దాని బిజినెస్ ఐడియా కథేంటని అనుకుంటున్నారా.. ప్రణవ్ మైలర్ పవార్ అనే ట్విటర్ యూజర్కొన్ని హోర్డింగ్లు ఒకే చోట ఉన్న ఫొటోని షేర్ చేశాడు. ఇందులో శాంసంగ్, పుమా, సోనీ, ఎసస్ తదితర హోర్డింగ్లు కనిపిస్తున్నాయి. ఇందులో తమ హోర్డింగ్పెట్టి పబ్లిసిటీ చేసుకుంటే అందులో కొత్తేముందనుకున్నట్టుంది ఫ్లిప్కార్ట్. డిఫరెంట్గా ఆలోచించింది.
దానికున్న బలాన్నే.. ప్రత్యర్థుల బలహీనతగా మార్చి పబ్లిసిటీ చేయాలనుకుంది. అర్థం కాలేదా.. అది తన హోర్డింగ్లో 'మన చుట్టూ 7 కంపెనీల ప్రకటనలు ఉన్నాయి. హర్అద్మే జో దిఖ్తా హై, వో ఫ్లిప్కార్ట్పే మిల్తా హై' అని అందులో రాసి ఉంది. అంటే తన చుట్టూ ఉన్న బడా కంపెనీల ప్రచార హోర్డింగ్లలో మెన్షన్ చేసిన వస్తువులన్నీ ఫ్లిప్కార్ట్లో దొరుకుతాయని దానర్థం.
చిన్న బిజినెస్ ఐడియా ఆ కంపెనీకి బోలేడు ప్రచారం తెచ్చిపెట్టడంతో పాటు.. జనాలను వారెవ్వా.. క్యా.. బాత్హై అనేలా చేసింది. బిజినెస్ ఐడియా అంటే ఇలా ఉండాలి అనిపిస్తోంది కదూ..!