- సమగ్ర శిక్ష ఆఫీసులో డిప్యుటేషన్ పై నియామకం
హైదరాబాద్, వెలుగు: బడి పిల్లల్లో చదవడం, రాయడం వంటి కనీస సామర్థ్యాలను పెంచేందుకు ప్రభుత్వం ఫోకస్ పెట్టింది. ఇందులో భాగంగా రాష్ట్ర స్థాయిలో ‘ఫౌండేషనల్ లిటరసీ అండ్ న్యూమరసీ’ (ఎల్ఎల్ఎన్) సెల్ ను బలోపేతం చేయాలని డిసైడ్ అయింది.
దీనికి గానూ స్టేట్ ఎఫ్ఎల్ఎన్ సెల్ కోసం స్పెషల్ రీసోర్స్ టీమ్ ను ఎంపిక చేస్తూ సమగ్ర శిక్ష స్టేట్ ప్రాజెక్ట్ డైరెక్టర్ డాక్టర్ నవీన్ నికోలస్ శనివారం ఉత్తర్వులు జారీ చేశారు. రాష్ట్రవ్యాప్తంగా అక్టోబర్ లో దరఖాస్తులు స్వీకరించిన ఆఫీసర్లు, నవంబర్ 20న ఇంటర్వ్యూలు నిర్వహించి ఫైనల్ గా నలుగురు టీచర్లను ఎంపిక చేశారు.
ఎంపికైన బి. ప్రసన్న కుమార్ (ఎస్జీటీ, మెదక్ జిల్లా), ఆర్. సురేందర్ (ఎస్జీటీ, కామారెడ్డి జిల్లా), అభయరాజ్ (ఎస్జీటీ, జగిత్యాల జిల్లా), భూక్యా శ్యామ్ చందర్ రావు (ఎల్ఎఫ్ఎల్ హెచ్ఎం, సిద్దిపేట జిల్లా) హైదరాబాద్ లోని సమగ్ర శిక్ష ఆఫీసులో డిప్యుటేషన్ పద్ధతిలో పనిచేయనున్నారు. రాష్ట్రవ్యాప్తంగా ఎఫ్ఎల్ఎన్ కార్యక్రమాల అమలు, మానిటరింగ్, కెపాసిటీ బిల్డింగ్ వంటి కీలక బాధ్యతలు నిర్వర్తించనున్నారు. వీరికి జీతాలు మాత్రం వారి సొంత స్కూల్ నుంచే అందుతాయని, వెంటనే వీరిని రిలీవ్ చేయాలని డీఈఓలకు నవీన్ నికోలస్ ఆదేశాలు జారీ చేశారు.
