ఈరోజుల్లో ఆఫీస్లో ఉన్నా, ఇంట్లో ఉన్నా ఇంటర్నెట్ తప్పనిసరి. అందుకే చాలామంది వర్క్ ఫ్రమ్ హోమ్ టైమ్లో ఇంట్లో వైఫై పెట్టించుకున్నారు. మంచి కంపెనీ వైఫై కనెక్షన్ తీసుకున్నా కూడా కొన్నిసార్లు ఇంటర్నెట్ సరిగా రాదు. చాలాసేపు బఫరింగ్ అవుతుంటుంది. దాంతో, వర్క్ ఆగిపోతుంది.
ఇంటర్నెట్ స్పీడ్గా రావడానికి ఏం చేయాలంటే..
వైఫై ఛానెల్ ఛేంజ్
ఇంటర్నెట్ సరిగా రానప్పుడు వైఫై ఛానెల్ను అడ్జస్ట్ చేయాలి. అపార్ట్మెంట్ లేదా ఇంటి పక్కనవాళ్లు ఒకటే వైఫై కనెక్షన్ ఉపయోగించడం వల్ల వైఫై స్పీడ్ తగ్గుతుంది. అందుకని వైఫై మీ ఫోన్, కంప్యూటర్కి కాకుండా వేరే వాళ్ల ఫోన్కు కనెక్ట్ అయిందేమో చెక్ చేయాలి. ఒకవేళ అలా కనెక్ట్ అయితే కనుక వెంటనే వైఫై పాస్వర్డ్ మార్చాలి.
ఫ్రీక్వెన్సీ సెట్టింగ్
బఫరింగ్ కాకుండా ఇంటర్నెట్ రావాలంటే బెస్ట్ ఫ్రీక్వెన్సీ ఉండాలి. మామూలుగా వైఫైలో రెండు రకాల ఫ్రీక్వెన్సీ లేదా బ్యాండ్విడ్త్ ఉంటుంది. 2.4గిగాహెడ్జ్ లేదా 5 గిగాహెడ్జ్.. ఈ రెండింటిలో 2.4గిగాహెడ్జ్ స్లోగా ఉన్నప్పటికీ సిగ్నల్ బాగా వస్తుంది. దూరం నుంచి కూడా ఈ రౌటర్కి కనెక్ట్ చేసుకోవచ్చు. 5గిగాహెడ్జ్ ఫ్రీక్వెన్సీ స్ట్రాంగ్ కాదు. కానీ, ఇంటర్నెట్ స్పీడ్గా వస్తుంది.
వైర్ కనెక్షన్ బెటర్
ఇంటర్నెట్ స్పీడ్గా రావాలంటే వైర్ కనెక్షన్ తీసుకోవాలి. వైఫై రౌటర్కి దగ్గర్లో కంప్యూటర్, ఫోన్ వాడేటప్పుడు వైర్తో కనెక్ట్ చేసుకుంటే బెటర్. అలాకాకుండా రౌటర్ దూరంగా ఉంటే కేబుల్ సాయంతో సిస్టమ్కు కనెక్ట్ చేయొచ్చు.
రౌటర్ ప్లేస్ ముఖ్యమే
రౌటర్ని సిగ్నల్ వచ్చే ప్లేస్లో పెట్టాలి. అంతేకాదు రౌటర్ని ఎలక్ట్రిక్ కనెక్షన్ ఉండే టీవీ, బ్లూటూత్ స్పీకర్, బేబీ మానిటర్, గేమింగ్ గాడ్జెట్స్కు దగ్గర పెట్టొద్దు. రౌటర్ని హాల్లో ఐదు అడుగుల ఎత్తులో పెట్టుకుంటే, ఇంట్లో ఎక్కడ కూర్చొన్నా వైఫై వస్తుంది.
సర్వీస్ ప్రొవైడర్స్కి చెప్పాలి
వైఫై సిగ్నల్ రాకున్నా, ఇంటర్నెట్ బఫరింగ్ అవుతున్నా ఇంటర్నెట్ సర్వీస్ ప్రొవైడర్స్కు కంప్లైంట్ చేయాలి. వైఫై కనెక్షన్ తీసుకునేటప్పుడే క్వాలిటీ వైఫై రౌటర్, కేబుల్ ఇవ్వమనాలి. ఇంటర్నెట్ స్పీడ్ అప్గ్రేడ్ గురించి కూడా చెప్పాలి.
