మహబూబాబాద్ జిల్లాలో అటవీ శాఖ అధికారులు రెచ్చిపోయారు. గూడూరు మండలం బొల్లేపల్లిలో పోడు రైతుల భూములు స్వాధీనం చేసుకుని హరిత హారం మొక్కలు నాటించారు. గిరిజన రైతులు అధికారుల కాళ్లపై పడి వేడుకున్నా కనికరించలేదు. తమకు ఈ భూమే దిక్కని, భూములు లాక్కొవద్దని వేడుకున్నారు. ఐనా కనికరించని అటవీ శాఖ అధికారులు...వారిని తిట్టారు. అధికార పార్టీ ఎమ్మెల్యేలు మాత్రం గిరిజనుల జోలికి వస్తే ఊరుకోమంటూ మాటలు చెప్తున్నారు. కానీ ఇప్పటివరకూ ఈ సమస్యపై ప్రభుత్వాన్ని ప్రశ్నించలేదు. సర్కార్ తీరుతో అటవీ శాఖ అధికారులతో పాటు గిరిజనులు ఇబ్బంది పడుతున్నారు.
