సిద్దిపేట, వెలుగు : పట్టణంలోని కోమటి చెరువు వద్ద గల గంగాభవానీ ఆలయ వార్షికోత్సవాన్ని శుక్రవారం ఘనంగా నిర్వహించారు. ఈ వేడుకలకు మాజీ మంత్రి హరీశ్రావు హాజరై అమ్మవారికి ప్రత్యేక పూజలు చేశారు. ఈ సందర్భంగా ఆయన మాట్లాడుతూ ఐదేండ్లకోసారి వచ్చే గంగాభవానీ ఆలయ వార్షికోత్సవాన్ని గంగపుత్ర సంఘం నాయకులు ఘనంగా నిర్వహిస్తున్నారని తెలిపారు.
గంగాభవానీ ఆలయాన్ని అద్భుతంగా అభివృద్ధి చేసుకోవడమే కాకుండా ఫంక్షన్ హాల్ను నిర్మించుకున్నామన్నారు. సిద్దిపేట కోమటి చెరువుతోపాటు అన్ని చెరువులను అభివృద్ది చేసుకున్నామని తెలిపారు. సిద్దిపేట చేపలు కోల్కతా మార్కెట్ వరకు పంపడమే కాకుండా ఇక్కడ నిర్మించిన ఫిష్ మార్కెట్ రాష్ట్రంలోనే ఆదర్శంగా నిలిచిందన్నారు.
