- మాజీ ఉప రాష్ట్రపతి వెంకయ్య
జూబ్లీహిల్స్, వెలుగు: బ్యాంకుల్లో వినియోగదారులతో తెలుగులో మాట్లాడితే వారికి విశ్వాసం పెరుగుతుందని మాజీ ఉప రాష్ట్రపతి వెంకయ్య నాయుడు అన్నారు. శుక్రవారం బంజారాహిల్స్ హె చ్ డీ ఎఫ్ సీ భవనంలో బ్లడ్ డొనేషన్ క్యాంపు నిర్వహించగా ఆయన గెస్ట్గా హాజరయ్యారు. ఈ సందర్భంగా మాట్లాడుతూ... బ్యాంకులు ఆర్థిక లావాదేవీలే కాకుండా దేశ ప్రగతికి సహకరించాలన్నారు. మహిళలు, యువతకు రుణాలు ఇచ్చి వ్యాపారంలో ప్రోత్సాహించాలని కోరారు.
బ్యాంకులకు వచ్చే వారితో తెలుగులో మాట్లాడాలని, తెలుగు భాష తల్లిలాంటిది చెప్పారు. కార్యక్రమంలో ఆర్బీఐ రీజినల్ డైరెక్టర్ తెలంగాణ చిన్మయి కుమార్, స్టేట్ హెడ్ ఆపరేషన్ హెచ్ డీ ఎఫ్ సీ బ్యాంక్ మధు గుప్తా పాల్గొన్నారు.
