తమిళనాడు రాష్ట్రంలో భారీగా నగదు పట్టుబడింది. ఆ రాష్ట్ర రాజధాని చెన్నైలోని తాంబరం రైల్వే స్టేషన్‌లో రూ. 4 కోట్ల నగదు పట్టుబడింది. వివరాల్లోకి వెళ్తే ఎన్నికల షెడ్యూల్ కొనసాగుతున్న తరుణంలో తమిళనాడు స్టేట్ అంతా అధికారులు చెక్ పోస్టులు పెట్టారు. ఈ క్రమంలోనే భారీగా నగదు తరలిస్తున్న సతీశ్ అనే వ్యక్తిని పోలీసులు చెక్ చేశారు. అతని వద్ద రూ. 4 కోట్లు పట్టుకున్నారు. అతనితో పాటు మరో ముగ్గురిని అరెస్టు చేశారు.
సతీశ్ హోటల్‌ మేనేజర్‌గా పనిచేస్తున్నారు. ఆయన తన సోదరుడు నవీన్‌, డ్రైవర్‌ పెరుమాల్‌తో కలిసి రూ.4 కోట్ల నగదును ఆరు బ్యాగుల్లో చెన్నై నుంచి తిరునల్వేలీ వెళ్తున్నారు. ఈ క్రమంలో తాంబరం స్టేషన్‌ వద్ద ఫ్లయింగ్‌ స్క్వాడ్‌ సిబ్బంది రైలులో తనిఖీ చేశారు. డబ్బు బయటపడటంతో ముగ్గురిని అదుపులోకి తీసుకుని విచారించడం మొదలు పెట్టారు.
ఘటనపై కేసు నమోదుచేసిన పోలీసులు దర్యాప్తు చేస్తున్నారు. కాగా, తమిళనాడులోని 39 లోక్‌సభ స్థానాలకు ఈ నెల 19న ఎన్నికలు జరుగనున్నాయి. జూన్‌ 4న ఫలితాలు వెలువడనున్నాయి.
Around four crores cash seized at Tambaram railway station. Police sources said the arrested Sathish was caught along with two other members in Nellai express.
— Siraj Noorani (@sirajnoorani) April 7, 2024
Sathish from Purasaiwakkam, working as a manager at a hotel is also a #BJP member, said police#TamilNadu #Chennai pic.twitter.com/byIyooqoZO
