- వరంగల్ మండిబజార్లో ఘటన
కాశీబుగ్గ, వెలుగు : వరంగల్ నగరంలోని మండిబజార్లో ఉన్న అరబిక్ స్కూల్లో శుక్రవారం కుక్కర్ పేలడంతో నలుగురు విద్యార్థులు గాయపడ్డారు. స్కూల్లో సుమారు 15 మంది విద్యార్థులు అరబిక్ నేర్చుకుంటున్నారు. వీళ్లంతా చుట్టుపక్కల ఇండ్లల్లోనే ఉంటారు. మధ్యాహ్నం వరకు పాఠశాలలోనే ఉండి ఇండ్లకు వెళ్లిపోతారు. శుక్రవారం టీచర్ పాఠాలు చెప్తూనే అక్కడే ప్రెషర్ కుక్కర్లో అన్నం వండుతున్నాడు. దాని పక్కనే విద్యార్థులు కూర్చున్నారు. కొద్దిసేపటికి కుక్కర్ పేలడంతో అబ్దుల్ రెహమాన్(12), సోను(12), షరీఫ్(12), నౌషద్(11) గాయపడ్డారు. కుక్కర్లోని నీళ్లు ఒంటిపై పడడం, ఆవిరికి ఒళ్లు బొబ్బలెక్కాయి. వెంటనే వీరిని వరంగల్ ఎంజీఎం దవాఖానకు తరలించారు.
