హైదరాబాద్, వెలుగు : ఫ్రాక్షనల్ ఇన్వెస్ట్మెంట్ స్టార్టప్ ఫ్రాక్ స్పేస్ హైదరాబాద్లో తన సేవలను మొదలుపెట్టింది. హైదరాబాద్లోని టీ–హబ్లో జరిగిన ఈ కార్యక్రమానికి నగరంలోని పలువురు ప్రముఖులు హాజరయ్యారు. ప్రైవేట్, డొమెస్టిక్ రియల్ ఎస్టేట్లో ఫ్రాక్షనల్ ఇన్వెస్ట్మెంట్, యాజమాన్యం పద్ధతి ఇండ్లను కొనేందుకు ఈ స్టార్టప్ కంపెనీ సాయపడుతుంది. అంటే పరిమిత పెట్టుబడి ద్వారా ఆస్తికి యజమానిగా మారవచ్చు.
భారతదేశంలో ఎక్కడైనా హాలిడే హోమ్, కమర్షియల్ ప్రాపర్టీల వంటి విభిన్నమైన ఆస్తుల పోర్ట్ఫోలియోలో ఇన్వెస్ట్ చేయడానికి ఫ్రాక్స్పేస్ సాయపడుతుంది. ప్రాపర్టీని తిరిగి అమ్మడానికి కూడా సహకారం అందిస్తుంది. ప్రతి ఫ్రాక్- యజమాని తన ఆస్తిని కిరాయికి కూడా ఇచ్చుకోవచ్చని, మంచి ధర ఉన్నప్పుడు ఎగ్జిట్ కావొచ్చని ఫ్రాక్స్పేస్ మేనేజింగ్ డైరెక్టర్ ఉన్నత్ రెడ్డి చెప్పారు.
