దేశమంతటా కరోనా డేంజర్ బెల్స్ మోగుతున్నాయి. ఎక్కడ చూసినా కరోనా మరణాలే కనిపిస్తున్నాయి. రోజురోజుకు కరోనా పాజిటివ్ కేసుల సంఖ్య విపరీతంగా పెరుగుతోంది. దాంతో పలు రాష్ట్ర్రాలు సొంతంగా లాక్‌డౌన్ విధించుకుంటున్నాయి. ఇప్పటికే దేశంలోని పలు రాష్ట్ర్రాలు ఆ దిశగా ముందడుగువేశాయి. ఏయే రాష్ట్రాల్లో లాక్‌డౌన్ అమలులో ఉందో చూద్దాం.
*ఉత్తరప్రదేశ్‌లో మే10 వరకు లాక్‌డౌన్ పొడిగించారు. మొదట అక్కడ మే 3 నుంచి మే 6 వరకు లాక్‌డౌన్ పెట్టాలనుకున్నారు. కానీ, ఆ తర్వాత దాన్ని మే8 వరకు పెంచారు. కరోనా కేసులు పెరుగుతుండటంతో లాక్‌డౌన్‌ను మళ్లీ మే 10 పెంచుతూ ప్రభుత్వం తాజాగా ప్రకటన చేసింది.
*ఢిల్లీలో మే 10 వరకు లాక్‌డౌన్ అమలులో ఉండనుంది. అక్కడ కేసుల తీవ్రత ఎక్కువగా ఉండటంతో ఏప్రిల్ 19న లాక్‌డౌన్ విధిస్తూ సీఎం కేజ్రీవాల్ ప్రకటించారు. కానీ, ఆ తర్వాత పరిస్థితుల దృష్ట్యా లాక్‌డౌన్ పొడిగిస్తూ వచ్చారు.
*మధ్యప్రదేశ్‌లో మే 15 వరకు లాక్‌డౌన్ విధించారు. అక్కడ మే 7న లాక్‌డౌన్ విధించారు. ఇప్పటికే అక్కడ వీకెండ్ లాక్‌డౌన్ అమలు చేస్తుండటంతో మే 17 వరకు లాక్‌డౌన్ అమలులో ఉండనుంది.
*కేరళలో మే 8నుంచి మే 16 వరకు లాక్‌డౌన్ విధిస్తున్నట్లు సీఎం పినరయి విజయన్ ప్రకటించారు.
*హిమాచల్ ప్రదేశ్‌లో మే 16 వరకు లాక్‌డౌన్ అమలులో ఉంటుందని ఆ రాష్ట్ర ప్రభుత్వం తెలిపింది.
*తమిళనాడులో మే 10 నుంచి మే 24 వరకు లాక్‌డౌన్ విధించినట్లు అక్కడి ప్రభుత్వం తెలిపింది.
*కర్ణాటకలో మే 10 నుంచి మే 24 వరకు లాక్‌డౌన్ అమలులో ఉంటుందని అధికారులు తెలిపారు.
*రాజస్థాన్‌లో మే 10 నుంచి మే 24 వరకు లాక్‌డౌన్ విధించినట్లు ఆ రాష్ట్ర ప్రభుత్వం ప్రకటించింది.
*మహారాష్ట్ర్రలో మే 15 వరకు లాక్‌డౌన్ అమలులో ఉండనుంది. అక్కడ కేసుల తీవ్రత ఎక్కువగా ఉండటంతో ఏప్రిల్ 29 ఆ రాష్ట్ర్ర కేబినెట్ ఈ నిర్ణయం తీసుకుంది.
*ఒడిషాలో కేసులు పెరుగుతుండటంతో మే 5 నుంచి మే 19 వరకు పూర్తిస్థాయి లాక్‌డౌన్ విధిస్తున్నట్లు ప్రభుత్వం ప్రకటించింది.
*బీహార్‌లో కేసుల తీవ్రత దృష్ట్యా ఆ రాష్ట్ర ప్రభుత్వం మే 4 నుంచి మే 15 లాక్‌డౌన్ విధించింది.
*జార్ఖండ్‌లో కరోనా కేసులను తగ్గించడం కోసం అక్కడ ఏప్రిల్ 22 నుంచి మే 6 లాక్‌డౌన్ విధించారు. కానీ కేసుల తీవ్రత దృష్ట్యా మళ్లీ మే 13 వరకు పొడిగిస్తూ నిర్ణయం తీసుకున్నారు.
