వికారాబాద్, వెలుగు: వికారాబాద్ మున్సిపల్ చైర్ పర్సన్ గా అసెంబ్లీ స్పీకర్ గడ్డం ప్రసాద్ కుమార్ కూతురు గడ్డం అనన్య ఏకగ్రీవంగా ఎన్నికయ్యారు. చైర్ పర్సన్ స్థానానికి ఆమె ఒక్కరే నామినేషన్ దాఖలు చేయడంతో ఏకగ్రీవంగా ఎన్నికైనట్టు ఎన్నికల అధికారి ప్రకటించారు. గడ్డం అనన్య వికారాబాద్లోని 17వ వార్డు నుంచి కాంగ్రెస్ కౌన్సిలర్ గా పోటీ చేసి గెలిచారు.
వైస్ చైర్మన్గా 10వ వార్డుకు చెందిన అర్థ సుధాకర్ రెడ్డి ఎన్నికయ్యారు. అనంతరం వీరిద్దరితో ఎన్నికల అధికారి ప్రమాణ స్వీకారం చేయించారు. ఈ కార్యక్రమానికి స్థానిక ఎమ్మెల్యే, అసెంబ్లీ స్పీకర్ గడ్డం ప్రసాద్ కుమార్ ఎక్స్ అఫీషియో మెంబర్ హోదాలో హాజరై, నూతన చైర్ పర్సన్, వైస్ చైర్మన్లకు శుభాకాంక్షలు తెలిపారు.
