భద్రాద్రికొత్తగూడెం, వెలుగు : భద్రాద్రికొత్తగూడెం జిల్లాలో భానుడు తన ప్రతాపాన్ని చూపుతున్నాడు. ఈనెల మొదటి వారంలోనే 40 డిగ్రీలకు పైగా ఉష్ణోగ్రతలు నమోదవుతుండడంతో ప్రజలు ఆందోళన చెందుతున్నారు. మంగళవారం చుంచుపల్లి మండలం గరిమెళ్లపాడులో 42.7 డిగ్రీల ఉష్ణోగ్రత నమోదైంది.
సుజాతనగర్లో 42.6, లక్ష్మీదేవిపల్లిలో 42.4, పాత కొత్తగూడెంలో 42.3, అశ్వాపురంలో 42, భద్రాచలంలో 41.6, పాల్వంచ మండలంలోని సీతారాం పట్నంలో 41.2, యానంబైలులో 41.1, ఆళ్లపల్లి, గుండాల, జూలూరుపాడు మండలాల్లో 40 డిగ్రీలకు పైగా ఉష్ణోగ్రతలు నమోదు కావడంతో ప్రజలు బయటికి వచ్చేందుకు జంకుతున్నారు.
