భారీ వరదల నుంచి హైదరాబాద్ ప్రజల్ని ఆదుకునేందుకు సీఎం కేసీఆర్ రూ.550కోట్లు కేటాయించారు. వ‌ర‌ద నీటి ప్రభావానికి గురైన ప్రతీ ఇంటికి రూ. 10 వేలు, ఇల్లు పూర్తిగా కూలిపోయిన వారికి రూ. ల‌క్ష , పాక్షికంగా దెబ్బతిన్న ఇళ్లకు రూ. 50 వేలు చొప్పున ఆర్ధిక సాయం అందిస్తున్నట్లు ప్రకటించారు. ఈ సందర్భంగా కేసీఆర్ ఆర్ధిక సాయంపై మేయర్ బొంతు రామ్మోహన్ ప్రశంసల వర్షం కురిపించారు. అమ్మ అడిగితేనే అన్నం పెడుతుంది.. కానీ అడగకుండా తెలుసుకొని దేవునిలాగా సీఎం కేసీఆర్ హైదరాబాద్ ప్రజలకోసం రూ.550 కోట్ల సాయం ప్రకటించారని అన్నారు. రాత్రనక , పగలనక టీఆర్ఎస్ నేతలు నిద్రపోకుండా ప్రజల కోసం కష్టపడుతున్నారని జోస్యం చెప్పారు. నగర ప్రజలమీద కేసీఆర్ దయాగుణం చూపడం అభినందనీయం అంటూ బొంతు రామ్మోహన్ పొగడ్తల వర్షం కురిపించారు.
