హైదరాబాద్, వెలుగు: రాష్ట్రంలో కురుస్తున్న భారీ వర్షాల దృష్ట్యా విద్యాశాఖ కీలక నిర్ణయం తీసుకున్నది. ఐదు జిల్లాల్లోని స్కూళ్లకు బుధ, గురువారాల్లో సెలవులు ప్రకటించింది. ఈ రెండ్రోజులు గ్రేటర్ హైదరాబాద్‌‌లోని స్కూళ్లకు మాత్రం హాఫ్ డే ఉంటుందని తెలిపింది. ఈ మేరకు స్కూల్ ఎడ్యుకేషన్ డైరెక్టర్ నవీన్ నికోలస్ మంగళవారం ఓ ప్రకటన విడుదల చేశారు.
ఈ నెల 13,14 తేదీల్లో గ్రేటర్ హైదరాబాద్ పరిధిలోని సర్కార్, ప్రైవేటు స్కూళ్లను కేవలం మార్నింగ్ షిఫ్ట్ మాత్రమే కొనసాగించాలని ఆదేశించారు. హనుమకొండ, జనగా మ, మహబూబాబాద్, వరంగల్, యాదాద్రి భువనగిరి జిల్లాల్లో మాత్రం పూర్తిగా హాలీడే ఉంటుందని వెల్లడించారు. విద్యార్థుల భద్రతను దృష్టిలో పెట్టుకొని ఈ నిర్ణయం తీసుకున్నట్టు ప్రకటించారు. కాగా, మిగిలిన జిల్లాల్లోని బడులు యధాతథంగా కొనసాగనున్నాయి.
