మీటర్డ్డోస్ ఇన్హేలర్లలో గ్రీన్హౌస్ గ్యాస్లు
ఎకో ఫ్రెండ్లీ డ్రై పౌడర్తో చేసిన వాటిని వాడితే మంచిది
కేంబ్రిడ్జి యూనివర్సిటీ స్టడీ
ఆస్తమా.. ఓ తీవ్రమైన శ్వాసకోశ వ్యాధి. ఆయాసంతో మనిషికి ఊపిరి అందకుండా చేస్తుంది. దీని నుంచి తాత్కాలికంగా బయటపడేందుకు పేషెంట్లు ఎక్కువగా ఇన్హేలర్స్ వాడుతుంటారు. అయితే ఇన్హేలర్స్.. గ్లోబల్ వార్మింగ్కు కారణమవుతున్నాయని బ్రిటన్కు చెందిన రీసెర్చర్లు తాజాగా వెల్లడించారు. అవి గ్రీన్హౌస్ వాయువులను రిలీజ్ చేస్తున్నాయని చెబుతున్నారు. పర్యావరణాన్ని కాపాడేందుకు ‘గ్రీన్ ఇన్హేలర్స్’ను వాడాలని సూచిస్తున్నారు.
ఆ గ్యాస్ వల్లే..
ఇంగ్లాండ్లోని నేషనల్ హెల్త్ సర్వీస్ సూచించిన వివిధ రకాల ‘ఇన్హేలర్ మెడికేషన్స్’పై కేంబ్రిడ్జి యూనివర్సిటీకి చెందిన టీమ్ స్టడీ చేసింది. అవి ఎన్విరాన్మెంట్పై ఎలా ఎఫెక్ట్ చూపుతాయో పరిశీలించింది. ప్రతి పది మంది పేషెంట్లలో ఏడుగురు మీటర్డ్డోస్ ఇన్హేలర్లను వాడుతున్నట్లు గుర్తించింది. ఈ ఇన్హేలర్లు గ్రీన్హౌస్ వాయువులను విడుదల చేస్తాయని, ఇన్హేలర్ల నుంచి మెడిసిన్ బయటికి వచ్చేందుకు ‘హైడ్రోఫ్లోరోఅల్కేన్’ అనే గ్యాస్ వినియోగిస్తారని చెప్పింది. మీటర్డ్ డోస్ ఇన్హేలర్ల నుంచే 4 శాతం గ్రీన్హౌస్ గ్యాస్ విడుదలవుతోందని ఎక్స్పర్టులు చెబుతున్నారు.
డ్రై పౌడర్ ఇన్ హేలర్లు వాడితే
ప్రతి 10 ఇన్హేలర్లలో కనీసం ఒక్క దాన్ని రీప్లేస్ చేసి.. ఎన్విరాన్మెంటల్ ఫ్రెండ్లీ డ్రై పౌడర్ ఇన్ హేలర్లను వాడితే కార్బన్ డయాక్సైడ్ ఎమిషన్లను 58 కిలో టన్నుల వరకు తగ్గించవచ్చని రీసెర్చర్లు అంచనా వేశారు. ఇది లండన్ నుంచి ఎడిన్బర్గ్ మధ్య లక్షా 80 వేల సార్లు తిరిగితే వెలువడే కాలుష్యంతో సమానం. మరోవైపు మీటర్డ్ డోస్ ఇన్హేలర్ల అవసరం ఉన్న వాళ్లు వాటిని కొనసాగించవచ్చని నిపుణులు చెబుతున్నారు. కొత్త వాటిని ఉపయోగించడం వల్ల సమస్యలు తలెత్తే ప్రమాదం ఉందని, డాక్టర్ల సూచనలతోనే వేర్వేరు మెడికేషన్స్ను ఫాలో కావొచ్చని అంటున్నారు. ఇన్హేలర్లను వాడిన తర్వాత సరైన రీతిలో డిస్పోజ్ చేయాలని, ఖాళీ అయిన వాటిలో గ్రీన్ హౌస్ గ్యాస్లు ఉంటాయని సైంటిస్టులు చెబుతున్నారు. వాటిని ఫార్మసీల్లో ఇవ్వాలంటున్నారు.
