నటసింహం నందమూరి బాలకృష్ణ, మాస్ డైరెక్టర్ బోయపాటి శ్రీను కాంబినేషన్ లో వచ్చిన చిత్రం 'అఖండ 2: తాండవం'. ఈ మూవీ బాక్సాఫీస్ వద్ద మిశ్రమ స్పందనను అందుకుంది. సినిమా విడుదలై వారం రోజులు పూర్తయిన సందర్భంగా .. చిత్ర యూనిట్ ఈ విజయాన్ని దైవ సన్నిధిలో సెలబ్రేట్ చేసుకుంది. బాలయ్య స్వయంగా వారణాసిని సందర్శించి శివయ్యకు ప్రత్యేక పూజలు నిర్వహించారు.
బాలయ్య ఆధ్యాత్మిక పర్యటన
బాక్సాఫీస్ వద్ద ' అఖండ 2: తాండవం' ఆడుతున్న తరుణంలో, బాలకృష్ణ కాశీ క్షేత్రానికి చేరుకున్నారు. దర్శకుడు బోయపాటి శ్రీనుతో కలిసి ఆయన కాశీ విశ్వనాథుడిని దర్శించుకున్నారు. గంగా నది తీరాన పవిత్ర హారతిని వీక్షించిన అనంతరం, ఆలయంలో శాస్త్రోక్తంగా పూజలు జరిపించారు. నుదుట విభూతి, మెడలో రుద్రాక్ష మాలలు, సంప్రదాయ పట్టువస్త్రాలు ధరించిన బాలయ్యను చూసి అభిమానులు మురిసిపోయారు. 'అఖండ' చిత్రంలోని అఘోరా పాత్రకు, కాశీ క్షేత్రానికి ఉన్న అవినాభావ సంబంధం దృష్ట్యా ఈ పర్యటన ప్రాముఖ్యత సంతరించుకుంది.
Also Read : ఫైర్ అండ్ యాష్' సునామీ.. తొలి వీకెండ్ వసూళ్ల అంచనాలు ఇవే!
#वाराणसी: अखंडा 2 की सफलता के बाद दक्षिण भारतीय सिनेमा के सुपरस्टार एवं फिल्म अभिनेता नंदमूरी बालकृष्ण काशी नगरी पहुंचे,जहां उन्होंने बाबा काशी विश्वनाथ,माता अन्नपूर्णा,विशालाक्षी एवं विशाल लक्ष्मी मंदिर में दर्शन-पूजन किया - - #Akhanda2Thaandavam pic.twitter.com/enoPq46b1z
— Rohit Nandan Mishra (@RohitNandanMis3) December 19, 2025
#वाराणसी: अखंडा 2 की सफलता के बाद दक्षिण भारतीय सिनेमा के सुपरस्टार एवं फिल्म अभिनेता नंदमूरी बालकृष्ण काशी नगरी पहुंचे,जहां उन्होंने बाबा काशी विश्वनाथ,माता अन्नपूर्णा,विशालाक्षी एवं विशाल लक्ष्मी मंदिर में दर्शन-पूजन किया - - #Akhanda2Thaandavam pic.twitter.com/enoPq46b1z
— Rohit Nandan Mishra (@RohitNandanMis3) December 19, 2025
బాక్సాఫీస్ వద్ద వసూళ్లు..
వంద కోట్ల క్లబ్ దిశగా 'అఖండ 2' శరవేగంగా అడుగులు వేస్తోంది. విడుదలైన తొలి వారంలోనే ఈ చిత్రం ఇండియాలో సుమారు రూ. 76 కోట్ల నెట్ వసూళ్లను రాబట్టింది. ప్రపంచ వ్యాప్తంగా రూ. 97 కోట్లను వసూలు సాధించిందని ట్రేడ్ వర్గాలు అంచనా వేస్తున్నాయి. 'అఖండ', 'వీరసింహారెడ్డి', 'భగవంత్ కేసరి' వంటి వరుస హిట్లతో జోరు మీదున్న బాలయ్యకు, ఈ సినిమా కెరీర్ లోనే మరో అతిపెద్ద హిట్ గా నిలవబోతోంది. వీక్ డేస్లో కూడా తెలుగు రాష్ట్రాల్లో ఈ చిత్రం స్థిరమైన వసూళ్లు సాధిస్తోంది. ముఖ్యంగా బీ, సీ సెంటర్లలో మాస్ ఆడియన్స్ నుంచి వస్తున్న రెస్పాన్స్ అద్భుతంగా ఉందంటున్నారు చిత్ర యూనిట్.
బోయపాటి-బాలయ్య మ్యాజిక్ రిపీట్!
బోయపాటి శ్రీను రూపొందించిన హై-వోల్టేజ్ యాక్షన్ సీక్వెన్స్, దైవత్వం కలగలిసిన సంభాషణలు ప్రేక్షకులను కట్టిపడేస్తున్నాయి. థమన్ అందించిన బ్యాక్ గ్రౌండ్ స్కోర్ థియేటర్లను షేక్ చేస్తోంది. కేవలం యాక్షన్ మాత్రమే కాకుండా, సామాజిక అంశాలను ఆధ్యాత్మికతతో జోడించి చెప్పడం ఈ సినిమాకు ప్రధాన బలంగా నిలిచింది. కాశీ పర్యటనలో ఉన్న బాలకృష్ణ మాట్లాడుతూ.. "ప్రేక్షకుల ఆదరణే నా బలం, శివయ్య ఆశీస్సులతో ఈ విజయం సాధ్యమైంది" అని తన సంతోషాన్ని పంచుకున్నారు. మొత్తానికి 'అఖండ 2' బాక్సాఫీస్ వద్ద 'తాండవం' చేస్తూ నందమూరి అభిమానులకు అసలైన పూనకాలు తెప్పిస్తోంది. ఈ సినిమా రానున్న రోజుల్లో మరెన్ని రికార్డులను తిరగరాస్తుందో వేచి చూడాలి.
God of Masses #NandamuriBalakrishna garu and blockbuster director #BoyapatiSreenu garu visited the sacred city of Varanasi, took divine blessings after the Blockbuster success of #Akhanda2 🔱🔥
— 14 Reels Plus (@14ReelsPlus) December 19, 2025
Har Har Mahadev 🔱
Book your tickets now!
🎟️ https://t.co/8l5WolzzT6… pic.twitter.com/rOMNIQQ7sN
