కొమురవెల్లి, వెలుగు: మండలంలోని తపాస్పల్లి రిజర్వాయర్లోకి సోమవారం మాజీ ఎమ్మెల్యే, జనగామ డీసీసీ అధ్యక్షుడు కొమ్మూరి ప్రతాప్ రెడ్డి చొరవతో ఇరిగేషన్అధికారులు గోదావరి జలాలను విడుదల చేశారు. పంపింగ్ కోసం రెండు పైపులు ఉండగా ప్రస్తుతం ఒక పైపు ద్వారా నీటిని విడుదల చేశారు.
.ధర్మసాగర్ నుంచి బొమ్మకూరు రిజర్వాయర్ మీదుగా తపాస్పల్లి రిజర్వాయర్లోకి నీళ్లు చేరుతాయి. రిజర్వాయర్ ను పూర్తిస్థాయిలో నింపిన అనంతరం కొమురవెల్లి, చేర్యాల మండలాల్లోని చెరువులు, కుంటలను నింపాలని రైతులు, ప్రజలు కోరుతున్నారు.
