దేశంలోని చాలా మంది భక్తులు పవిత్ర నదులలో స్నానాలు చేస్తారు. పవిత్ర నదిలో స్నానం చేస్తే వారి పాపాలు తొలగిపోతాయని నమ్ముతారు. రాజస్థాన్‌లోని ఒక ఆలయంలోని కోనేరులో స్నానం చేసిన తరువాత, పాపాల నుండి ముక్తి పొందినట్లు సర్టిఫికేట్ లభిస్తుంది. దక్షిణ రాజస్థాన్‌లోని ప్రతాప్‌గఢ్ జిల్లాలో ఉన్న ఈ ఆలయం రూ. 12కి ‘పాప్ విముక్తి’ సర్టిఫికేట్‌ను అందజేస్తుంది. గోతమేశ్వర్ మహాదేవ్ ఆలయాన్ని ‘హరిద్వార్ ఆఫ్ వాగడ్’ అని కూడా అంటారు. ఈ ఆలయం రాజధాని జైపూర్ నుండి 450 కి.మీ.ల దూరంలో ఉంది. ఈ సిన్ ఫ్రీ సర్టిఫికేట్‌ను రాష్ట్ర ప్రభుత్వ దేవస్థానం శాఖ ఆధ్వర్యంలోని ఆలయ ట్రస్ట్ జారీ చేస్తుంది. ఆలయంలోని మందాకిని కోనేరులో స్నానం చేసి పాప విముక్తి పత్రం సమర్పించారు. కానీ దేవస్థానం సంవత్సరానికి 250-నుంచి300 సర్టిఫికెట్లు మాత్రమే జారీ చేయబడతాయి.
వ్యవసాయంలో ప్రమాదవశాత్తూ పురుగులు, జంతువులను చంపిన వారు లేదా కుల, వర్గాల బహిష్కరణకు గురైన వారు ఆలయ కోనేరులో పుణ్యస్నానాలు ఆచరిస్తే వాటి నుంచి విముక్తి పొందినట్లు ధ్రువీకరణ పత్రం అందజేస్తామని గ్రామ పెద్దలు తెలిపారు. పాపాలు చేసిన వారు కుల లేదా సమాజ బహిష్కరణ నుండి విముక్తి పొందుతారు. గోతమేశ్వర్ గంగా కుండ్లో స్నానం చేసినట్లు ఆలయ ధ్రువీకరణ పత్రం పేర్కొంది. తద్వారా వారి పాపాల నుండి విముక్తి పొందారు. అందుకే ఆయనకు ఈ సర్టిఫికెట్ ఇచ్చారు. దయచేసి వారిని తిరిగి వారి సంఘం లేదా కులంలోకి తీసుకోండి. సర్టిఫికేట్ జారీ చేసినట్లుగా సర్టిఫికేట్‌లో స్థానిక సర్పంచ్, పట్వారీ .... రెవెన్యూ శాఖ ఉద్యోగి సంతకం, సీల్ ఉంటాయి. అందరూ కోనేరు దగ్గర ఆఫీసులో కూర్చుంటారు.
పురాణగాథ
"గోహత్య శాపం నుంచి విముక్తి పొందేందుకు వివిధ ప్రదేశాల్లో తపస్సు చేయాలని గౌతమ మహర్షికి బుద్ధుడు సలహా ఇచ్చాడు. ఇక్కడ కూడా గౌతమ మహర్షి తపస్సు చేయగా.. అదే ప్రాంతంలో శివలింగం ఆవిర్భవించిందని పురాణాలు చెబుతున్నాయి. గౌతమ మహర్షి ఈ ఆలయ కోనేరులో స్నానం చేసిన తర్వాత ఆవును చంపిన పాపం నుంచి విముక్తి పొందినట్లు భక్తుల నమ్మకం. ఈ నేపథ్యంలో వ్యవసాయం సందర్భంగా పురుగులు, కీటకాలతోపాటు అనుకోకుండా జంతువులను చంపిన వారు లేదా కులం, సంఘం నుంచి బహిష్కరణకు గురైన వారు ఆలయ కోనేరులో పవిత్ర స్నానం చేస్తే ఆ పాపాల నుంచి విముక్తి పొందినట్లు సర్టిఫికేట్ జారీ చేస్తారని గ్రామ పెద్దలు తెలిపారు. తద్వారా కులం లేదా సంఘం బహిష్కరణ నుంచి వారికి విముక్తి లభిస్తుందని చెప్పారు.
ఏదైనా జంతువును అనుకోకుండా లేదా ప్రయత్నపూర్వకంగా చంపిన వ్యక్తులు, కుల లేదా వర్గ బహిష్కారానికి గురైన వ్యక్తులు ఆ కుండ్లో స్నానం చేసి పాప ముక్తి ధ్రువపత్రాన్ని పొందుతుంటారు. దానిని పంచాయతీ పెద్దలకు చూపించడం ద్వారా తాము ఎటువంటి పాప భారాన్ని మోయడంలేదని నిరూపించుకుని బహిష్కరణ శిక్ష నుంచి బయటపడుతుంటారు. స్థానికంగా ఉండే గిరిజనులు.. మరణించిన తమ కుటుంబసభ్యుల చితాభస్మాన్ని మందాకిని కుండ్లో కూడా నిమజ్జనం చేస్తారని ఓ పూజారి తెలిపారు. అందుకే ఈ క్షేత్రాన్ని హరిద్వార్ ఆఫ్ వాగడ్గా పిలుస్తారు. ఈ ఆలయం ఇటీవలే బాగా ప్రాచుర్యం పొందిందని సర్పంచ్ ఉదయ్ లాల్ తెలిపారు.
