జన్నారం, వెలుగు: కవ్వాల్ టైగర్ జోన్ లో శుక్రవారం ఉదయం హైకోర్టు ప్రభుత్వ న్యాయవాది మహేశ్ రాజుతోపాటు వివిధ కోర్టుల్లో పని చేస్తున్న 12 మంది ప్రభుత్వ న్యాయవాదులు పర్యటించారు. జన్నారం ఫారెస్ట్ రేంజ్ పరిధిలో ఉన్న గొండుగూడ, బైసన్ కుంట, సోలార్ బోర్వెల్స్, మల్యాల వాచ్ టవర్ ప్రాంతాలకు సఫారీలో వెళ్లి, అడవి అందాలతోపాటు వన్యప్రాణులను తిలకించారు.
అడవుల్లో చేపట్టిన అభివృద్ధి పనులను ఫారెస్ట్ ఆఫీసర్లు వారికి వివరించారు. తాళ్లపేట రేంజ్ ఆఫీసర్ సుష్మారావు, జన్నారం డీఆర్ వో మమత, బీట్ ఆఫీసర్ లాలుబాయి తదితరులున్నారు.
