మహబూబ్ నగర్ జిల్లాలో జోరుగా నామినేషన్లు

• మొదటి విడత ఎన్నికలకు ముగిసిన
• నామినేషన్ల ఉపసంహరణ
• విత్​డ్రాలకు ముందుకు రాని క్యాండిడేట్లు
• అర్ధరాత్రి వరకు కొనసాగిన అభ్యర్థుల ప్రకటన, గుర్తుల కేటాయింపు

మహబూబ్​నగర్, వెలుగు : మొదటి, రెండో విడత ఎన్నికలకు భారీగా నామినేషన్లు దాఖలయ్యాయి. ఎన్నికలు జరగనున్న గ్రామ పంచాయతీల్లో పోటీ నువ్వా నేనా అన్నట్లు సాగనుంది. ఈ విడత ఎన్నికలకు సంబంధించి బుధవారం నామినేషన్ల విత్ డ్రా ఉండగా, చాలా గ్రామ పంచాయతీల్లో క్యాండిడేట్లు వారి నామినేషన్లను వెనక్కి తీసుకోవడానికి ముందుకు రాలేదు. వారితో చర్చలు జరిపినా.. పదవులు ఆశ చూపినా.. ఫలితం లేకుండాపోయింది. అయితే ఎన్నికల బరిలో ఉండే క్యాండిడేట్లు వివరాలు, వారికి గుర్తులు కేటాయించడానికి రాత్రి వరకు ఆఫీసర్లు కసరత్తు చేశారు. 

ఇప్పటి వరకు ఏకగ్రీవమైన గ్రామ పంచాయతీలు 

మొదటి విడత గ్రామ పంచాయతీ ఎన్నికల్లో భాగంగా మహబూబ్​నగర్​ జిల్లాలోని 139 గ్రామ పంచాయతీలు, నారాయణపేట జిల్లాలోని 67 గ్రామ పంచాయతీలను కలుపుకొని మొత్తం 206 గ్రామ పంచాయతీల్లో ఎన్నికలు జరగనున్నాయి. ఇప్పటివరకు ఈ రెండు జిల్లాల్లోని 22 గ్రామ పంచాయతీలు ఏకగ్రీవమయ్యాయి. వనపర్తి జిల్లాలో మొత్తం 2 గ్రామాలు. గద్వాల జిల్లాలో 15 గ్రామాలు, నాగర్​కర్నూల్​జిల్లాలో మొత్తం14 గ్రామ పంచాయతీలు ఏకగ్రీవమయ్యాయి.  

ప్రచారం షురూ..

మొదటి విడత ఎన్నికలు జరిగే గ్రామ పంచాయతీల్లో బుధవారం రాత్రి క్యాండిడేట్లు ఫైనల్​ కావడంతోపాటు గుర్తులు రావడంతో అభ్యర్థులు ప్రచారాన్ని స్టార్ట్​ చేశారు. వారికి కేటాయించిన గుర్తుల ఆధారంగా కరపత్రాలు, స్టిక్కర్లు, డోర్​స్టిక్కర్లు, బ్యానర్లు, టీ షర్టులు, వాల్​ పోస్టర్లు, టోపీలను ఆర్డర్ చేస్తున్నారు. కొందరు క్యాండిడేట్లు వారికి కేటాయించిన గుర్తులను సోషల్​ మీడియాలో పెద్ద ఎత్తున ప్రచారం చేస్తున్నారు. ఫలానా గుర్తుకు ఓటు వేసి గెలిపించాలని విజ్ఞప్తులు చేస్తున్నారు. గురువారం ఉదయం నుంచి ప్రచార పర్వం మరింత ఊపందుకోనుంది.

మహబూబ్​నగర్​ జిల్లాలో రెండో విడత నామినేషన్లు..

మండలం    జీపీ    నామినేషన్లు​    వార్డులు    నామినేషన్లు

• హన్వాడ    35    233    302    747
• సీసీకుంట    18    143    174    497
• దేవరకద్ర    18    124    168    380
• కోయిల్​కొండ    44    258    380    814
• కౌకుంట్ల    12    80    106    240
• మిడ్జిల్​    24    149    204    463 

నారాయణపేట జిల్లాలో.. 

నారాయణపేట    28    189    268    614

దామరగిద్ద    30    164    284    566

ధన్వాడ        20    118    182    430

మరికల్​        17    104    165    412

రెండో విడత నామినేషన్లు ఇలా..

వనపర్తి జిల్లాలో..  

మండలం    జీపీ    నామినేషన్లు​    వార్డులు    నామినేషన్లు

ఆత్మకూరు     13             108    118    300

అమరచింత    14               98    120    270

కొత్తకోట    24              190    220    544

మదనాపూరు     17    125    162               353

వనపర్తి    26            220    230    591

గద్వాల జిల్లాలో 

మండలం    జీపీ    నామినేషన్లు​    వార్డులు    నామినేషన్లు

అయిజ    28     171    270    532

మల్దకల్    25     168    242     551  

రాజోలి    11     66     110     253

వడ్డేపల్లి    10     50     94     169