మెల్బోర్న్: ఇన్ఫెక్షన్లను నివారించేందుకు అప్పుడే పుట్టిన పిల్లలకు యాంటీబయోటిక్స్ ఇస్తే పెద్దయ్యాక వారిలో జీర్ణసంబంధ సమస్యలు వచ్చే అవకాశం ఉందని తాజా స్టడీలో తేలింది. నెలలు నిండక ముందే లేదా తక్కువ బరువుతో పుట్టిన బేబీలకు డాక్టర్లు యాంటీబయోటిక్స్ ఇస్తుంటారని మెల్బోర్న్ వర్సిటీ పరిశోధకులు చెప్పారు. దీనివల్ల పెద్దయ్యాక వారిలో గ్యాస్ట్రోఇంటెస్టినల్ సమస్యలకు కారణమవుతోందని వివరించారు.
అప్పుడే పుట్టిన ఎలుకలకు యాంటీబయోటిక్స్ఇచ్చి పరీక్షించగా.. పెద్దయ్యాక ఆ ఎలుకల నాడీ వ్యవస్థ, పేగులపై యాంటీబయోటిక్స్ ప్రభావం కనిపించిందన్నారు. డయేరియా వంటి లక్షణాలు కూడా ఆ ఎలుకల్లో కనిపించినట్లు పేర్కొన్నారు.
