- కాంగ్రెస్లో చేరిన హాజీపూర్జడ్పీటీసీ శిల్ప దంపతులు
- మాజీ జడ్పీటీసీ ఆశాలత సహా ఇతర నేతలు కూడా..
- ఎమ్మెల్యే దివాకర్ రావు వైఖరి నచ్చక కారు దిగిన లీడర్లు
మంచిర్యాల, వెలుగు : అసెంబ్లీ ఎన్నికలు ముంచుకొస్తున్న వేళ మంచిర్యాల నియోజకవర్గంలో బీఆర్ఎస్కు గట్టి షాక్ తగిలింది. మంచిర్యాల, నస్పూర్, హాజీపూర్, లక్సెట్టిపేట, దండేపల్లి మండలాలకు చెందిన పలువురు ప్రజాప్రతినిధులు, మాజీ ప్రజాప్రతినిధులు, నాయకులు కాంగ్రెస్లో చేరారు. ఎమ్మెల్యే నడిపెల్లి దివాకర్రావు అణిచివేస్తున్నాడంటూ కొందరు లీడర్లు సోమవారం బీఆర్ఎస్కు రిజైన్చేస్తున్నట్లు ప్రకటించారు. మంగళవారం ఉదయం రాజీనామా పత్రాలను మంచిర్యాల బైపాస్రోడ్డులోని తెలంగాణ అమరవీరుల స్తూపం వద్ద ఉంచి నివాళులర్పించారు.
హజీపూర్ లోని అంబేద్కర్ విగ్రహానికి అంజలి ఘటించారు. తర్వాత భారీ కాన్వాయ్ తో హైదరాబాద్ బయల్దేరి మాజీ ఎమ్మెల్సీ కొక్కిరాల ప్రేమ్ సాగర్ రావు ఆధ్వర్యంలో గాంధీ భవన్ లో కాంగ్రెస్ లో చేరారు. ఆ పార్టీ రాష్ట్ర వ్యవహారాల ఇన్చార్జ్ మాణిక్రావు ఠాక్రే, ఏఐసీసీ సెక్రటరీ రోహిత్ చౌదరి వారికి కండువాలు కప్పి స్వాగతించారు.
కాంగ్రెస్లో చేరింది వీరే..
హాజీపూర్ జడ్పీటీసీ మెంబర్పూస్కూరి శిల్ప, ఆమె భర్త, మండల రైతుబంధు కమిటీ అధ్యక్షుడు పూస్కూరి శ్రీనివాసరావు, మంచిర్యాల మాజీ జడ్పీటీసీ మెంబర్రాచకొండ ఆశాలత, హాజీపూర్ మాజీ ఎంపీటీసీ బొడ్డు శైలజ, బీఆర్ఎస్ మండల మాజీ అధ్యక్షుడు దొమ్మటి సత్తయ్య, వేంపల్లి మాజీ సర్పంచ్ గోనె సంజయ్, సీనియర్ అడ్వొకేట్, తెలంగాణ ఉద్యమకారుడు సిరిపురం శ్రీనివాస్, ఉప సర్పంచుల సంఘం జిల్లా అధ్యక్షుడు మాధవరపు జితేందర్ రావు, మాల సంఘాల జేఏసీ రాష్ట్ర ప్రచార కమిటీ చైర్మన్, బీఆర్ఎస్పట్టణ మాజీ అధ్యక్షుడు సాగే సుమోహన్, సీనియర్ లీడర్లు బెల్లంకొండ మురళీధర్, సింగతి మురళి, చిలువేరు నాగేశ్వర్రావుతో పాటు దాదాపు500 మంది కాంగ్రెస్ లో చేరారు. ఎమ్మెల్యే నడిపెల్లి దివాకర్రావు, ఆయన కొడుకు విజిత్రావు ఒంటెత్తు పోకడలతో విసిగిపోయి బీఆర్ఎస్కు రాజీనామా చేసినట్లు తెలిపారు.
