రమణ్, వర్షా విశ్వనాథ్ జంటగా రామచంద్ర వట్టికూటి రూపొందిస్తున్న చిత్రం ‘మటన్ సూప్’. మల్లిఖార్జున ఎలికా (గోపాల్), అరుణ్ చంద్ర వట్టికూటి, రామకృష్ణ సనపల నిర్మిస్తున్నారు. మంగళవారం ఈ మూవీ నుంచి ‘హర హర శంకర’ సాంగ్‌‌‌‌‌‌‌‌ను నటుడు తనికెళ్ళ భరణి విడుదల చేశారు. అనంతరం ఆయన మాట్లాడుతూ ‘విఘ్నేశ్వరుడి దయతో ఏ విఘ్నాలు లేకుండా ఈ చిత్రం పెద్ద విజయం సాధించాలి. ‘హర హర శంకర’ పాటలో సమాజంలో జరుగుతున్న ఘోరాల్ని చూపించారు.
ఈ మూవీ టీమ్ అందరికీ మంచి పేరు తెచ్చిపెట్టాలని కోరుకుంటున్నా’ అని అన్నారు. ఇప్పటికే షూటింగ్ పూర్తయిందని, ప్రస్తుతం పోస్ట్ ప్రొడక్షన్ జరుగుతోందని, సెప్టెంబర్‌‌‌‌‌‌‌‌‌‌‌‌‌‌‌‌లో సినిమా రిలీజ్‌‌‌‌‌‌‌‌కు ప్లాన్ చేస్తున్నామని దర్శకుడు రామచంద్ర చెప్పాడు. ఈ చిత్రంలోని ప్రతి సీన్ జీవితంలో జరిగినట్టుగా అనిపిస్తుందని హీరో రమణ్ అన్నాడు. భరణి గారు ఈ సాంగ్ లాంచ్ చేయడం ఆనందంగా ఉందని నిర్మాతలు చెప్పారు. నటులు గోవింద్, సునీత మనోహర్, ఎగ్జిక్యూటివ్ ప్రొడ్యూసర్ పర్వతనేని రాంబాబు పాల్గొన్నారు.
