- హెరిటేజ్ వాక్ ప్రోగ్రామ్లో వేదకుమార్
హైదరాబాద్, వెలుగు: చారిత్రక వారసత్వ కట్టడాలను పరిరక్షించుకోవాల్సిన అవసరం ఉందని దక్కన్ హెరిటేజ్ అకాడమీ ట్రస్ట్ చైర్మన్ ఎం.వేదకుమార్ అన్నారు. ఆదివారం ‘వాయిస్ ఆఫ్ హెరిటేజ్ బ్యాడ్జ్ ప్రోగ్రామ్ 2024’లో భాగంగా హెరిటేజ్ వాక్ ప్రోగ్రామ్ నిర్వహించారు. ఈ సందర్భంగా వేద కుమార్ మాట్లాడారు. ‘‘హైదరాబాద్ చరిత్ర, వారసత్వ సంపదపై ఎన్నో ఏండ్లు పరిశోధనలు చేశాం. గుప్త సంపదలు కనుగొన్నాం.
కొన్ని హిస్టారికల్ కట్టడాలు కూలిపోయే దశలో ఉన్నాయి. వాటిని పరిరక్షించుకోవాల్సిన బాధ్యత మన అందరిపై ఉన్నది’’అని అన్నారు. హైదరాబాద్లోని హస్మత్ గంజ్ గేట్, క్లాక్ టవర్, రెసిడెన్సీ సర్జన్స్ బంగ్లా, ఇతర రెసిడెన్సీ ఏరియాల్లో హెరిటేజ్ వాక్ ప్రోగ్రామ్ నిర్వహించారు. బ్రిటిష్ కాలం నాటి వారసత్వ నిర్మాణాలను చూపిస్తూ ఈ వాక్ కొనసాగింది. ఈ కార్యక్రమంలో ఆర్టిస్ట్ సతీశ్, సూర్య నారాయణ, భార్గవి, సీనియర్ ఆర్కిటెక్ట్ ఆర్.ఇందిరా స్రవంతి, నర్రా శ్వేత, వైష్ణవి తదితరులు పాల్గొన్నారు.
