వర్ని, వెలుగు: రుద్రూర్ మండలంలోని సులేమాన్ నగర్, రాణంపల్లి శివారులో గల రామాలయ స్థలానికి సంబంధించిన పత్రాలు ఇవ్వాలని గ్రామ హిందూ కమిటీ సభ్యులు అధికారులను కోరారు. ఈ మేరకు మంగళవారం తహసీల్దార్ తారాబాయిని కలిసి వినతిపత్రం అందజేశారు. ఈ సందర్భంగా వారు మాట్లాడుతూ రామాలయం పొలం సర్వే నంబర్ 217/7 లో ఎకరం 15 గుంటల భూమి ఉందన్నారు.
1994 నుంచి 2026 వరకు మార్పు చేర్పులకు సంబంధించిన పూర్తి రికార్డు కాపీలు, పహానీలు ఇవ్వాలని తహసీల్దార్ను కోరారు. వినతిపత్రం ఇచ్చినవారిలో జిల్లా కౌన్సిల్ మెంబర్ ప్రశాంత్ గౌడ్, బీజేపీ మండల అధ్యక్షుడు హరికృష్ణ, నాయకులు, గ్రామస్తులు ఉన్నారు.
