- వెల్లడించిన హిటాచీ ఎనర్జీ
న్యూఢిల్లీ : భారతదేశంలో విస్తరణ కోసం 2019 నుంచి ఏటా రూ.100 కోట్లు ఇన్వెస్ట్ చేస్తున్నామని హిటాచీ ఎనర్జీ ఇండియా సీఈఓ నూగూరి వేణు చెప్పారు. గత నాలుగేళ్లలో మూడు ఫ్యాక్టరీలు నిర్మించామని చెప్పారు. సంస్థకు 75 ఏళ్లు నిండిన సందర్భంగా హైదరాబాద్లో మంగళవారం నిర్వహించిన వేడుకల సందర్భంగా ఆయన మీడియాతో మాట్లాడారు. ఇండియాలో తమ ఫ్యాక్టరీల సంఖ్య 19కి చేరిందని వెల్లడించారు.
హైదరాబాద్లో త్వరలో గ్లోబల్ కెపాసిటీ సెంటర్ను ఏర్పాటు చేస్తామని వెల్లడించారు. వరంగల్లోనూ ఒక ల్యాబ్ ఏర్పాటు చేస్తామన్నారు. హైదరాబాద్లో తమకు సేల్స్ఆఫీసూ ఉందని చెప్పారు. హై -వోల్టేజ్ స్విచ్ గేర్, బ్రేకర్లు, హై-వోల్టేజ్ డైరెక్ట్ కరెంట్ , ట్రాన్స్ఫార్మర్లు, ఎనర్జీ స్టోరేజీ, సబ్ స్టేషన్లు, సెమీకండక్టర్స్, పవర్-సిస్టమ్ ఆటోమేషన్, పవర్-సిస్టమ్ కన్సల్టింగ్ వంటి సేవలను, ప్రొడక్టులను హిటాచీ అందిస్తోంది.
