ఒకప్పుడు మొబైల్ మార్కెట్ను శాసించిన నోకియా కంపెనీ తాజాగా మరో సరికొత్త ఫోన్తో కస్టమర్లను ఆకర్షిస్తోంది. నోకియా బ్రాండ్కు చెందిన HMD నుంచి HMD Touch 4G అనే కొత్త టచ్ స్క్రీన్ ఫోన్ విడుదలైంది. ఈ ఫోన్ను ‘హైబ్రిడ్ ఫోన్’ గా ఈ కంపెనీ మార్కెటింగ్ చేసుకుంటోంది. అంటే.. ఇది స్మార్ట్ ఫోన్ కాదు కానీ ఫీచర్ ఫోన్తో పోల్చితే అంతకు మించిన ఫీచర్లు ఈ మొబైల్లో ఉంటాయి. HMD Touch 4G ఫోన్.. పేరులోనే ఈ మొబైల్ 4జీని సపోర్ట్ చేస్తుందని, ఇంటర్నెట్ వినియోగించుకునే అవకాశం ఈ ఫోన్లో ఉందని తేలిపోయింది.
3.2 అంగుళాల TFT LCD స్క్రీన్, 240×320 పిక్సెల్ రిజల్యూషన్, RTOS Touch ఆపరేటింగ్ సిస్టమ్తో ఈ ఫోన్ పనిచేస్తుంది. Express Chat app అనే మెసెంజింగ్ యాప్ ఈ ఫోన్లో ఉంటుంది. ఇది ప్రీ–ఇన్ స్టాల్డ్ యాప్. మళ్లీ ప్రత్యేకంగా ఇన్ స్టాల్ చేసుకోనక్కర్లేదు. ఈ యాప్ కూడా వాట్సాప్ లాంటిదే. చాట్ చేసుకోవచ్చు. గ్రూప్ చాట్స్ చేసుకోవచ్చు. వీడియో కాల్ సదుపాయం కూడా ఉంది.
0.3 MP సెల్ఫీ కెమెరా, 2 మెగా పిక్సెల్ బ్యాక్ కెమెరాతో ఈ ఫోన్ వస్తుంది. 64MB ర్యామ్, 128 జీబీ వరకూ సపోర్ట్ చేసే ఇంటర్నల్ స్టోరేజ్ సదుపాయం ఉంది. 32 జీబీ మైక్రో ఎస్డి కార్డ్ వేసుకుని పాటలు, వీడియోలు వినొచ్చు.. వీక్షించ వచ్చు. బ్యాటరీ సామర్థ్యం 1950 mAh బ్యాటరీ. ఈ ఫోన్ ధర 3 వేల 999 రూపాయలు. HMD అధికారిక వెబ్ సైట్ ను క్లిక్ చేసి మొబైల్ ను బుక్ చేసుకోవచ్చు. ప్రస్తుతం ఈ మొబైల్ Out Of Stock చూపిస్తుంది. త్వరలో సేల్ లో అందుబాటులో ఉండే ఛాన్స్ ఉంది. అరచేతిలో సరిపోయేంత సైజ్లో ఉండటం ఈ మొబైల్ స్పెషాలిటీ. ‘పాకెట్’ ఫ్రెండ్లీ ఫోన్గా చెప్పుకోవచ్చు.
