- త్వరలో ఎన్‌‌‌‌బీఎఫ్‌‌‌‌సీ లైసెన్స్‌‌‌‌కు దరఖాస్తు చేయనున్న కంపెనీ
న్యూఢిల్లీ: భారతదేశంలో కస్టమర్లకు ఫైనాన్స్ సేవలు అందించేందుకు "హోండా ఫైనాన్స్ ఇండియా ప్రైవేట్ లిమిటెడ్‌” అనే కొత్త అనుబంధ సంస్థను హోండా మోటార్ ఏర్పాటు చేసింది. ఈ సంస్థ ద్వారా హోండా బండ్ల కొనుగోలుకు లోన్లు, లీజ్ ఆప్షన్లు వంటి ఫైనాన్సింగ్ సేవలు అందించనుంది.
భారత్‌‌‌‌లో బైక్‌‌‌‌లు, కార్ల మార్కెట్ వేగంగా పెరుగుతున్న నేపథ్యంలో, లోన్ ద్వారా కొనుగోలు చేసే వినియోగదారుల సంఖ్య కూడా పెరుగుతుందని ఈ కంపెనీ అంచనా వేస్తోంది. ఇప్పటివరకు ఈ సేవలు స్థానిక ఫైనాన్షియల్ సంస్థల ద్వారా అందాయి. ఇప్పుడు హోండా స్వయంగా ఎన్‌‌‌‌బీఎఫ్‌‌‌‌సీ లైసెన్స్ కోసం దరఖాస్తు చేసి, తన సేవలను విస్తరించనుంది. జపాన్, ఉత్తర అమెరికా, యూరప్ వంటి ప్రాంతాల్లో ఇప్పటికే ఫైనాన్సింగ్ సేవలను ఈ కంపెనీ అందిస్తోంది.
