- డబ్బులు పోగొట్టుకున్న ప్రయాణికుడికి
మణుగూరు, వెలుగు: ఆర్టీసీ బస్సులో డబ్బులు పోగొట్టుకున్న ప్రయాణికుడికి డబ్బులు అందజేసి తన నిజాయితీని చాటుకున్నాడు ఓ ఆర్టీసీ డ్రైవర్. మణుగూరు, అమలాపురం సర్వీస్ బస్సు డ్రైవర్ ఇల్లటూరి మహేశ్ మంగళవారం తిరుగు ప్రయాణంలో అమలాపురం నుంచి మణుగూరుకు వస్తున్న క్రమంలో అశ్వరావుపేటకు చెందిన ఓ ప్యాసింజర్ లక్ష రూపాయలతో ఉన్న పర్సును పోగొట్టుకున్నాడు.
బస్సు మణుగూరుకు చేరుకున్న క్రమంలో బాధితుడు తన పర్సు పోయిన విషయాన్ని మణుగూరు డిపో అధికారులకు తెలియజేశాడు. అధికారులు డ్రైవర్ మహేశ్కు సమాచారం అందించగా బస్సును తనిఖీ చేసి పర్సును గుర్తించి బాధితుడికి అందజేశాడు. నిజాయితీగా పర్సును అందించిన డ్రైవర్ మహేశ్ను బాధితుడు, ఆర్టీసీ అధికారులు ప్రత్యేకంగా అభినందించారు.
