హైదరాబాద్ సిటీ/పద్మారావునగర్, వెలుగు: 20 అడుగుల రోడ్డుకు అడ్డంగా నిర్మిస్తున్న ఇంటిని హైడ్రా కూల్చేసింది. సికింద్రాబాద్న్యూ బోయిగూడలో 50 గజాల మేర రోడ్డుని ఆక్రమించి కింద షాపు, పైన ఇల్లు కడుతుండడంతో స్థానికులు ఇటీవల హైడ్రాకు ఫిర్యాదు చేశారు. గతంలో చిన్న డబ్బా పెట్టుకుని వ్యాపారం చేసుకుంటే బతుకుతాడని వదిలేశామని, దీంతో ఇప్పుడు రోడ్డు బంద్చేసి ఏకంగా ఇంటినే కడుతున్నారని కంప్లయింట్లో పేర్కొన్నారు. దీనిపై విచారించిన హైడ్రా అధికారులు రోడ్డును ఆక్రమించి కడుతున్నాడని తేల్చి బుధవారం కూల్చేసింది. దీంతో స్థానికులు హర్షం వ్యక్తం చేశారు.
