ఇంట్లో ప్రతిది వాస్తు ప్రకారమే ఉండాలి.. అంతేకాదు ఇంటి నిర్మాణం విషయంలో చాలా జాగ్రత్తలు తీసుకోవాలి.. ఫస్ట్ ఫ్లోర్ కు వెళ్లే మెట్లకు కిటికిలు పెట్టుకొంటే వాస్తు ప్రకారం ఇబ్బందులు వస్తాయా.. అలాగే పెట్స్ కోసం ప్రత్యేక గదిని ఎక్కడ నిర్మించుకోవాలి.. ...మొదలగు విషయాల గురించి వాస్తు కన్సల్టెంట్ కాశీనాథుని శ్రీనివాస్ గారు ఏమంటున్నారో చూద్దాం...
ప్రశ్న: ఇంటిపైకి ఎక్కేందుకు తూర్పు నుంచి పడమరకు మెట్లు ఉన్నాయి. అయితే, మెట్లు ఉన్న గోడకు పడమర సెంటర్, వాయువ్యం దిక్కుల్లో కిటికీలు పెట్టుకోవచ్చా?
జవాబు: ఫస్ట్ ఫ్లోర్ కు వెళ్లే మెట్లపైన వెంటిలేషన్ కోసం మెట్లకు పైన కిటికీలు పెట్టుకుంటున్నారు ఈమధ్య దీనివల్ల వెంటిలేషన్ బాగుంటుంది. గాలి, వెలుతురు కూడా వస్తాయి. అయితే కిటికీలు సరిసంఖ్యలో ఉండేలా చూసుకోవాలి
ప్రశ్న: ప్రహరీ లోపల ఇంటి గోడకు మధ్య పెంపుడు జంతువుల కోసం చిన్న గది కట్టుకోవాలనుకుంటున్నాం. ఏవైపు కట్టుకుంటే బాగుంటుంది?
జవాబు: ఇంట్లో పెంపుడు జంతువుల కోసం ఉత్తర వాయువ్యం లేదా ఆగ్నేయంలో గదులు కట్టొచ్చు. అయితే, ఇంటి ప్రధాన గోడ, ప్రహరీకి తగలకుండా వీటిని మధ్యలో కట్టుకుంటే మంచిది.
