ఈ లక్షణాలుంటే బ్లాక్ ఫంగస్ రిస్క్ ఎక్కువే

V6 Velugu Posted on May 20, 2021

న్యూఢిల్లీ: కరోనా నుంచి కోలుకున్న వారిని బ్లాక్ ఫంగస్ గా పిలుస్తున్న ముక్రోమైకోసిస్ భయపెడుతోంది. ఈ నేపథ్యంలో బ్లాక్ ఫంగస్ కేసులను గుర్తించేందుకు ఎయిమ్స్ కొత్త గైడ్ లైన్స్ విడుదల చేసింది. హై షుగర్ తో బాధపడుతున్న వారితో పాటు ఎక్కువగా స్టెరాయిడ్స్ తీసుకుంటున్న వారు ఈ ఇన్ఫెక్షన్ బారిన పడే ప్రమాదం ఉందని ఎయిమ్స్ తెలిపింది. 

ఈ లక్షణాలు ఉంటే వెంటనే అలర్ట్ అవ్వాలె
- ముక్కు నుంచి రక్తం కారడం
- ముక్కు దిబ్బడ, తలనొప్పి, కళ్ల నొప్పి, కళ్ల నుంచి నీరు కారడం, కళ్లు ఎర్రబడటం, చూపు కోల్పోవడం
- ఒళ్లు జలదరించినట్లు అనిపించడం.. నమలడంలో, నోరు తెరవడంలో ఇబ్బందులు రావడం లాంటి లక్షణాలు కనపడితే వెంటనే ఈఎన్ టీ డాక్టర్ ను సంప్రదించాలి. రెగ్యులర్ గా చెకప్ చేయించాలి. సొంతగా ఎలాంటి మెడిసిన్స్, స్టెరాయిడ్స్ వాడకూడదని ఎయిమ్స్ సూచించింది.

ఈ రోగులకు బ్లాక్ ఫంగస్ రిస్క్ ఎక్కువ
- షుగర్ లెవెల్స్ అధికంగా ఉండి, అదుపు చేయడం కష్టమైన పేషంట్ లకు ముక్రోమైకోసిస్ వచ్చే ప్రమాదం ఎక్కువని ఎయిమ్స్ తెలిపింది. 

- యాంటీ క్యాన్సర్ ట్రీట్ మెంట్ తీసుకుంటున్న వారు, క్రోనిక్ డెబిలిటేటింగ్ ఇల్ నెస్ తో బాధపడే రోగులకు బ్లాక్ ఫంగస్ రిస్క్ ఎక్కువేనని వైద్యులు హెచ్చరిస్తున్నారు.

- అధికంగా స్టెరాయిడ్స్ వాడుతున్న వారు, ముఖ్యంగా tocilizumab లాంటివి నియోగిస్తున్న రోగులకు బ్లాక్ ఫంగస్ తో రిస్క్. 

- కరోనా చికిత్స సమయంలో ఆక్సిజన్ సపోర్ట్, వెంటిలేటర్ మీద ఉన్న వారికీ ముక్రోమైకోసిస్ ముప్పు ఎక్కువని ఎయిమ్స్ పేర్కొంది.

Tagged AIIMS, New Guidelines, Corona recoveries, Steroids, sugar patients, Black fungus, Mucro Mycosys

Latest Videos

Subscribe Now

More News