రాఖీ అంటే నోరూరించే మిఠాయిలు కూడా. అందుకే ఈ హెల్దీ అండ్ టేస్టీ కొబ్బరి హల్వా రెసిపీ మీకోసం.
కావాల్సినవి
కొబ్బరి నూనె– ఎనిమిది టీ స్పూన్లు
కొబ్బరి పాలు– వంద మిల్లీ లీటర్లు
ఎండు కొబ్బరి పొడి– వంద గ్రాములు
కుంకుమ పువ్వు– కొద్దిగా
బెల్లం లేదా చక్కెర పొడి – సరిపడా
యాలకుల పొడి– కొంచెం
బాదం, పిస్తా, జీడిపప్పు– అన్నీ కలిపి రెండు టీ స్పూన్లు
తయారీ
పాన్ వేడిచేసి కొబ్బరినూనె వేయాలి, అందులో కొబ్బరి పొడి వేసి సన్నటి మంటమీద కలుపుతూ వేగించాలి. కొబ్బరి పొడి గోధుమ రంగులోకి వచ్చేంతవరకు వేగించాలి. ఆ తరువాత కొబ్బరి పాలు కలపాలి. బెల్లం లేదా చక్కెర పొడి, కుంకుమ పువ్వు , యాలకుల పొడి కూడా వేసి కలుపుతూ మరో పదినిమిషాలు ఉడికించాలి. కాస్త నూనె బయటికి తేలాక స్టప్ ఆపి, బాదం, పిస్తా, జీడిపప్పుతో గార్నిష్ చేసుకుని తింటే టేస్టీగా ఉంటుంది.
